جموں و کشمیر کے ضلع بڈگام میں منشیات اور منشیات فروشوں کے خلاف سخت کاروائی کرتے ہوئے پولیس نے ایک منشیات فروش کو گرفتار کیا ہے اور اس کے قبضے سے ممنوع مادہ کے علاوہ نقدی بھی برآمد کی ہے۔
پولیس سٹیشن ماگام کو اپنے ذرائع سے اطلاع ملی تھی کہ مازہامہ گاؤں کے ایک رہائشی نے اپنے گھر میں نشہ آور اشیاء چھپا رکھی ہے اور وہ اس کا غیر قانونی طور پر کاروبار کرتا ہے۔ اس سلسلے میں پولیس سٹیشن ماگام کی ایک ٹیم نے مزکورہ منشیات سمگلر کے گھر پر چھاپہ مارا اور وہاں سے تلاشی کے دوران 01 کلو 250 گرامز چرس جیسی اشیاء برآمد ہونے کے علاوہ 01 لاکھ اور انتیس ہزار روپے نقدی ایک لکڑی کی الماری سے جائے موقع پر برآمد کئے گئے۔
اس کے فوراً بعد مزکورہ منشیات فروش کو گرفتار کیا گیا اور اسے پولیس اسٹیشن ماگام منتقل کر دیا گیا جہاں وہ زیرِ حراست میں ہے۔ وہی پولیس نے اس منشیات فروش کی شناخت شبیر احمد صوفی ولد عبدالخالق صوفی ساکنہ مازہامہ کے طور پر بتائی ہے۔
اس سلسلے میں قانون کی متعلقہ دفعات کے تحت ایک ایف آئی آر جو کہ این ڑی پی ایس ایکٹ کے تحت زیرِ نمبر 67/2022 پولیس اسٹیشن ماگام میں درج کرکے تفتیش شروع کر دی گئی ہے۔
یہ بھی پڑھیں : Drug Peddlers Arrested in Bandipora: بانڈی پورہ میں دو منشیات فروش منشیات سمیت گرفتار
