پولیس ذرائع نے بتایا کہ بڈگام کے اچھگام علاقے میں ناکہ چیکنگ کے دوران پولیس اسٹیشن بڈگام کی ٹیم نے ایک شخص کو مشکوک حالت میں گھومتے دیکھ کر اسے رکنے کا اشارہ کیا۔ پولیس کے مطابق وہ فرار ہونے لگا تاہم پولیس نے اس کا تعاقب کرکے اسے حراست Budgam police Arrested Drug Peddler میں لے لیا۔
بڈگام پولیس Budgam police کا کہنا ہے کہ حراست میں لیے گئے شخص کی تلاشی کے دوران قریب 300 گرام وزنی منشیات اور گیارہ ہزار 300 روپے برآمد کیے گئے۔ پولیس کا کہنا ہے کہ منشیات کو مکئی کے چھلکوں اور پتوں سے ڈھک کر چھپانے کی کوشش کی گئی تھی۔
بڈگام پولیس نے گرفتار کیے گئے شخص کی شناخت محمد شفیع مونچی ولد نذیر احمد مونچی ساکن اچھگام، بڈگام کے طور پر کی ہے۔
اس ضمن میں ایک ایف آئی آر 43/2022 این ڈی پی ایس ایکٹ کی متعلقہ دفعات کے تحت پولیس اسٹیشن بڈگام میں درج کرکے مزید تفتیش شروع کر دی گئی ہے۔
بڈگام پولیس نے منشیات کا قلع قمع Kashmir Drug Menace کرنے میں عوام سے تعاون طلب کیا ہے۔ انہوں نے منشیات کے کاروبار سے متعلق کسی بھی معلومات کو فوری طور پر انتظامیہ یا پولیس تک پہنچانے کی اپیل کی ہے۔
