بڈگام: وسطی کشمیر کے ضلع بڈگام میں چرارِ شریف اقاف انتظامیہ اور کشمیر مرکزی ادب کے کے اشتراک سے حضرت شیخ العالم شیخ نور الدین نورانی رحمۃ اللہ علیہ کے آستان عالیہ کے ’’نور خانہ‘‘ میں ایک پُر وقار ادبی تقریب کے دوران شیخ العالم اسٹڈیز کے ریسرچ اسکالر جی این ایڈفر کی تصنیف ’’ایلکمی آف لائٹ‘‘ (Alchemy Of Light) کے عنوان سے ایک کتاب کی رسم رونمائی کی گئی۔ ایڈفر نے حضرت نورالدین نورانیؒ کی صوفیانہ شاعری کو تین جلدوں میں مرتب کیا ہے۔ Budgam Book Release Function
’’ایلکمی آف لائٹ‘‘ کا پہلا جلد سال دوہزار گیارہ (2011) میں ریلیز ہوا، دوسرا سال 2013 میں ریلیز ہوا، حیاتِ شیخ کے آئینے میں سال 2017 میں ریلیز ہوا، روزبل کی اہمیت سال 2020 میں ریلیز ہوئی اور ایلکمی آف لائٹ جلد سوم آج 16 نومبر 2022 کو جاری کیا گیا۔ اس کتاب پر دو مقالے علی احسن اور عنایت گل نے پیش کیے جن میں کہا گیا کہ ’’کتاب نہ صرف ملک میں بلکہ ملک سے باہر بھی قارئین کو اپنی طرف متوجہ کرے گی اور نوجوانوں خاص کر اسکالرز کے لیے بہت اہمیت کی حامل ہوگی۔‘‘
- مزید پڑھیں: Birth Place Of Sheikh Noor Ud Din Noorani شیخ العالم ؒ کی جائے پیدائش کیموہ پر توجہ دینے کی ضرورت
تقریب کے شرکا نے جی این ادفر کی کاوشوں کو سراہا جنہوں نے اس مشن کو جذبے کے ساتھ آگے بڑھایا اور کشمیر کے عظیم بزرگ کی پوری شاعری کا تین جلدوں میں ترجمہ کیا۔ یہ اس طرح کی پہلی تقریب ہے جو شیخ العالمؒ کے مزار پر منعقد ہوئی۔ تقریب کے دوران نامور شخصیات میں پروفیسر جی این خاکی چیئرمین مرکزی نور یونیورسٹی آف کشمیر، ڈاکٹر جی این حلیم اور محمد امین بھٹ، صدر کمراز مرکز ادب بھی موجود تھے۔ کانفرنس میں محققین، ادبی شخصیات، مذہبی مبلغین اور طلباء سمیت مختلف شعبہ ہائے زندگی سے تعلق رکھنے والے افراد نے شرکت کی۔
