لیکن لالو یادو جیل کے باہر نہیں آ سکیں گے۔ کیوں کہ دیگر دو مقدمے میں انہیں ضمانت نہیں ملی ہے۔ دمکا اور دوراندہ چارہ گھوٹالہ معاملے میں سماعت جاری ہے اور جب تک انہیں ان دو مقدمات میں ضمانت نہیں ملے گی انہیں جیل ہی میں رہنا ہوگا۔
آج جھارکھنڈ ہائی کورٹ میں جسٹس اپریش سنگھ کی بنچ نے انہیں ضمانت پر رہا کرنے کا حکم صادر کیا۔ کورٹ نے 50 ہزار روپے کے ذاتی مچلکے پر ضمانت کے علاوہ پاسپورٹ ضبط کرنے کا حکم دیا ہے۔
چارہ گھوٹالہ: لالو یادو کو ضمانت
لالو یادو کے وکیل نے کورٹ کو بتایا کہ وہ اپنی سزا کی نصف میعاد جیل میں گذار چکے ہیں۔ اس لیے انہیں اس بناء پر ضمانت ملنی چاہیے۔
اس سے قبل چارہ گھوٹالے کی سماعت 5 جولائی کو ہوئی تھی لیکن لالو یادو کو رانچی عدالت نے راحت نہیں دی تھی۔ لالو یادو رانچی کی ایک جیل میں قید کی زندگی گذار رہے ہیں۔
