رانچی: لالو پرساد یادو کے پاسپورٹ معاملے میں ہفتہ کو سی بی آئی کورٹ نے پاسپورٹ جاری کرنے کی درخواست کو قبول کر لیا ہے۔ درخواست ایڈوکیٹ اننت کمار نے دائر کی تھی۔ جس پر سماعت کرتے ہوئے سی بی آئی کورٹ نے سابق وزیر اعلیٰ اور آر جے ڈی کے سینئر لیڈر لالو یادو کا پاسپورٹ جاری کرنے کا حکم جاری کیا ہے۔ ہاد رہے کہ لالو یادو پر چارہ گھوٹالہ کا کیس میں قصوروار ہیں۔ لالو یادو فی الحال صحت کی بنیاد پر ضمانت پر ہیں۔ ضمانت کے دوران انہیں ہدایت کی گئی ہے کہ وہ بغیر اجازت ملک سے باہر نہیں جا سکتے۔ اسی لیے سی بی آئی نے ان کا پاسپورٹ ضبط کر لیا تھا، لیکن صحت کی وجہ سے لالو یادو نے اپنے وکیل کے ذریعے سی بی آئی کورٹ سے پاسپورٹ جاری کرنے کی درخواست کی، تاکہ وہ باہر جا کر اپنی صحت کا علاج کروا سکیں۔ جس پر سی بی آئی نے ان کی درخواست قبول کر لی ہے۔
ساتھ ہی بتایا جاتا ہے کہ لالو پرساد یادو کا پاسپورٹ اگست تک ختم ہو جائے گا۔ لالو یادو اپنے پاسپورٹ کی تجدید کرنا چاہتے ہیں۔ اس وجہ سے اس نے پاسپورٹ کے اجراء کے لیے درخواست دی تھی۔ پاسپورٹ جاری ہونے کے بعد لالو علاج کے لیے باہر جا سکیں گے اور اپنے پاسپورٹ کی تجدید بھی کر سکیں گے۔ واضح رہے کہ جب بھی لالو یادو علاج کے لیے ملک سے باہر جاتے ہیں، تو انہیں سی بی آئی کورٹ میں اس کی اطلاع دینی ہوتی ہے۔ جس کے بعد سی بی آئی عدالت ان کا پاسپورٹ جاری کرتی ہے اور اس کے بعد وہ علاج کے لیے باہر جا سکتے ہیں۔ بتا دیں کہ اس سے قبل بھی جب لالو پرساد یادو اپنے گردے کے علاج کے لیے سنگاپور گئے تھے تو عدالت کے حکم پر انہیں پاسپورٹ دیا گیا تھا۔ سنگاپور سے واپس آنے کے بعد اس نے اپنا پاسپورٹ نچلی عدالت میں جمع کرایا تھا۔
یہ بھی پڑھیں: Lalu Prasad Yadav on Modi govt 'مودی نے وزیر اعظم کے عہدے کے وقار کو مجروح کیا'
