اوڑی میں آتشزدگی، تین رہائشی مکان اور گؤ خانہ خاکستر

author img

By ETV Bharat Urdu Desk

Published : Jan 18, 2024, 12:46 PM IST

اوڑی میں آتشزدگی، تین رہائشی مکان اور گؤ خانہ خاکستر

3 residential houses and cow shed gutted ضلع بارہمولہ کے اوڑی میں آگ کی ایک ہولناک واردات میں تین رہائشی مکان خاکستر ہو گئے تاہم آگ کے سبب کسی جانی نقصان کی کوئی اطلاع نہیں ہے۔

اوڑی میں آتشزدگی، تین رہائشی مکان اور گؤ خانہ خاکستر

بارہمولہ: شمالی کشمیر کے سردی علاقے اوڑی کے دچی علاقے میں آگ کی ایک ہولناک واردات میں تین رہائشی مکان اور ایک گؤ خانہ خاکستر ہو گئے۔ مقامی باشندوں نے بتایا کہ دوران شب ایک رہائشی مکان سے آگ اچانک نمودار ہوئی جس نے دچی علاقے کے دو دیگر رہائشی مکانات اور ایک گؤ خانہ کو آناً فاناً اپنی زد میں لے لیا۔

مقامی لوگوں نے بتایا کہ آگ اس قدر بھیانک تھی کہ دیکھتے ہی دیکھتے اس نے تین رہائشی مکانوں اور ایک گؤ خانہ کو اپنی زد میں لے لیا جس کے بعد مقامی لوگوں نے آگ پر قابو پانے کی کوشش کی تاہم آگ کے سبب رہائشی مکانات ان میں موجود املاک راکھ کے ڈھیر میں تبدیل ہو گئے۔ لوگوں نے بتایا کہ علاقے میں بجلی کے کھمبے اور ترسیلی لائنز بوسیدہ ہو چکی ہیں اور شارٹ سرکٹ کے باعث آگ نمودار ہوئی جس نے کئی کنبوں کو بے گھر کر دیا۔

مزید پڑھیں: بڈگام میں آتشزدگی، چار رہائشی مکان دو گؤ خانے خاکستر

لوگوں نے محکمہ بجلی کے خلاف ناراضگی کا اظہار کرتے ہوئے دعویٰ کیا کہ خستہ حال برقی ترسیلی نظام کے حوالہ سے انہوں نے کئی مرتبہ شکایات کیں تاہم محکمہ بجلی نے لوگوں کی شکایات کو یکسر نظر انداز کیا اور آج اس طرح کا عظیم سانحہ پیش آیا۔ لوگوں نے آگ متاثرین کی فوری امداد اور بازآبادکاری کا مطالبہ کیا ہے۔

ETV Bharat Logo

Copyright © 2024 Ushodaya Enterprises Pvt. Ltd., All Rights Reserved.