پولیس ہمیشہ سے ہی اچھے کام کرتی رہی ہے۔ تازہ واقعہ میں پولیس نے ایک ایسا نیک کام انجام دیا جس کی وجہ سے علاقہ بھر میں خوشی کی لہر دوڑ گئی اور ہر کوئی پولیس کی تعریف کررہا ہے۔
خبر کے مطابق آندھراپردیش کے گنٹور اربن کے ایس پی آر این ایمی ریڈی نے پولیس اہلکار بننے کی شیخ راحل نامی لڑکے کی خواہش پوری کردی۔ لڑکا جو کہ کینسر میں مبتلا ہے، اسے اپنی کرسی پر بٹھایا اور بچے کی خواہش پوری کردی۔
بتایا جارہا ہے کہ کینسر موذی مرض میں مبتلا بچے کے بارے میں جب پولیس کو معلوم ہوا تو انہوں نے لڑکے کی تفصیلات کے بارے میں دریافت کیا۔ اور اپنے اختیارات کا استعمال کرتے ہوئے لڑکے کی خواہش کو پورا کیا۔ شیخ راحل کے والدین چاند اور بی بی نور جہاں نے اپنے بچے کی خواہش پوری کرنے پر گنٹور اربن ایس پی کا شکریہ ادا کیا۔
