ضلع اننت ناگ میں جمعہ کو سب ضلع ہسپتال کوکرناگ کے ساگم علاقہ سے تعلق رکھنے والی مسرت جان نام کی ایک خاتون نے ایک بچی کو جنم دیا۔ ہسپتال میں داخل تکیہ ماگم علاقہ کی رہنے والی سعیدہ رفاقت نام کی اور ایک خاتوں نے ٹھیک اسی وقت بچی کو جنم دیا۔ ہسپتال ذرائع کے مطابق دونوں حاملہ خواتین نے نارمل ڈیلوری کے دوران دو بچیوں کو جنم دیا۔
تاہم مسرت جان نے اسپتال انتظامیہ پر ’’بچہ بدلنے کا الزام عائد‘‘ کرتے ہوئے دعویٰ کیا کہ جو بچہ سعیدہ رفاقت کے پاس ہے وہ بچہ ان کا ہے۔
معاملہ کے بعد ہسپتال انتظامیہ نے الجھن کو سلجھانے کے لیے نومولود بچوں کا ڈی این اے ٹیسٹ کرانے کا فیصلہ کیا تاکہ حقیقت کو سامنے لایا جا سکے۔
ہسپتال انتظامیہ کی جانب سے مذکورہ خاتون کا دعویٰ ثابت کرنے کے لیے دونوں نو زائد بچوں کے ڈی این اے نمونے پیٹرنٹی ٹیسٹ کے لیے روانہ کیے گئے۔
