پہلگام: تازہ برف باری کی وجہ سے سیاحت سے جڑے افراد میں نئی امیدیں

وادیٔ کشمیر سیاحتی مقامات سے مالا مال ہے، تاہم شہرۂ آفاق پہلگام سیاحوں کی پسندیدہ جگہ رہی ہے۔ پہلگام کے میدانی و بالائی علاقوں میں تازہ برف باری کی وجہ سے سیاحت سے جڑے افراد میں نئی امیدیں جاگ اٹھی ہیں۔

پہلگام میں ہو رہی تازہ برف باری سے جہاں ہوٹل مالکان خوش ہیں، وہیں گھوڑے بان سے لیکر چھابڑی تک کے لوگوں کو روزگار میں اضافہ ہونے کی امید نظر آرہی ہیں۔ وقت سے پہلے برف باری کی وجہ سے سیاحت سے جڑے افراد میں نئے امیدیں جاگ اٹھی ہیں۔

سیاحت سے جڑے افراد کو یقین ہے کہ برف کو دیکھنے کے لئے ملکی وغیر ملکی سیاح کشمیر کا رخ کریں گے، جس سے انہیں کافی حد تک راحت ملے گی۔ تاہم مسلسل ہورہی برف باری کی وجہ سے اننت ناگ پہلگام سڑک پر کافی برف جمع ہوگئی ہے، جس کی وجہ سے پہلگام جانے والے اور وہاں سے لوٹنے والے سیاحوں کو مشکلات کا سامنا کرنا پڑرہا ہے۔

پہلگام: تازہ برف باری کی وجہ سے سیاحت سے جڑے افراد میں نئے امیدیں

سیاحوں کا کہنا ہے کہ اگرچہ برف باری ان کے لئے ایک نیا اور منفرد تجربہ رہا ہے تاہم سڑک پر برف باری ہونے کی وجہ سے شدید مشکلات کا سامنا کرنا پڑرہا ہے۔ سیاحوں نے محکمۂ سیاحت کی جانب سے اس حوالے سے اقدامات نہ اٹھانے پر برہمی کا بھی اظہار کیا۔