وادیٔ کشمیر میں ہُنرمند، قابل اور پڑھے لکھے نوجوانوں کی کمی نہیں ہے۔ لڑکوں کے ساتھ ساتھ یہاں کی لڑکیاں بھی ہر شعبہ میں بہتر مظاہرہ کر رہی ہیں اور ایسی ہی مثال بجبہاڑہ سے تعلق رکھنے والی نزہت سلطان نے قائم کی ہے جس نے اعلیٰ تعلیم حاصل کر کے اپنے آپ کو سماج کی خدمت کرنے کے لئے وقف کیا اور دوسری لڑکیوں کے لئے مشعل راہ بن گئیں۔
نزہت سلطان نے علی گڑھ مسلم یونیورسٹی سے کلینکل سائیکالوجی میں ماسٹرز کی ڈگری حاصل کی ہے لیکن انہوں نے ہمیشہ لوگوں کی فلاح و بہبود کے لئے کام کرنے کا خواب دیکھا۔
نزہت سلطان خواتین کے لئے بن رہی ہے مشعل راہ
نزہت سلطان نے آج تک کئی مفلوک الحال لوگوں کی مدد کرنے میں اپنا کلیدی رول ادا کیا ہے۔ نزہت سلطان کبھی کبھار اپنے ذاتی پیسوں سے بھی غریب لوگوں کی مدد کرتی ہیں۔ وادیٔ کشمیر کی اگر بات کریں تو خواتین آج کل سبھی شعبوں میں پیش پیش ہیں۔ تعلیمی میدان سے لے کر روزگار کے نئے مواقع تلاش کرنے میں انہوں نے کامیابی حاصل کی ہے۔ ایسے میں کسی لڑکی کا اپنے آپ کو لوگوں کی خدمت میں میسر رکھنا ایک مثبت سوچ کی عکاسی ہے۔ نزہت کے والد کے مطابق ان کو اپنی بیٹی پر فخر ہے کیونکہ ان کی بیٹی لوگوں کی فلاح کے لئے کام کر رہی ہے اور ایسا کام کرنے سے اُن کو دلی خوشی حاصل ہوتی ہے۔
