Mahjoor Day Celebrated in Bijbehara: 'غلام احمد مہجور کی کشمیری زبان و ادب کی خدمات کو فراموش نہیں کیا جا سکتا'

یوم مہجور کے موقع پر جنوبی کشمیر کے مختلف علاقوں کے معروف شعرا اور ادبا نے شاعر کشمیر پیر زادہ غلام احمد مہجور کو خراج عقیدت پیش کیا Tribute was Paid to Poet Ghulam Ahmad Mahjoor۔

وادی کشمیر کے معروف شاعر اور شاعر کشمیر غلام احمد مہجور کی یاد میں ہر برس 9 اپریل کو یوم مہجور منایا جاتا ہے۔ وہیں اس سلسلے میں بجبہاڑہ میں بھی ایک تقریب کا انعقاد کیا گیا، جس میں جنوبی کشمیر کے مختلف علاقوں سے تعلق رکھنے والے کئی معروف شعرا و ادبا نے شرکت کی۔ تقریب کے دوران مہجور کی ادبی خدمات پر روشنی ڈالی گئی اور ان کو شاندار الفاظ میں خراج عقیدت پیش کیا گیا Poetry in memory of Kashmir poet Pirzada Ghulam Ahmad Mahjoor۔

اس موقع پر ایک مشاعرے کا بھی اہتمام کیا گیا جس میں شعرائے کرام نے مہجور کے لکھے گئے کلام پڑھ کر ان کو یاد کیا۔ شعرائے کرام نے کہا کہ شاعر کشمیر پیر زادہ غلام احمد مہجور کی کشمیری زبان و ادب کے لئے نمایاں خدمات کو کبھی بھی فراموش نہیں کیا جا سکتا۔ مزید کہا کہ پیر زادہ غلام احمد مہجور کشمیری شاعری میں ایک نیا انداز متعارف کروانے اور بے دریغ موضوعاتی دائروں میں وسعت دینے کے لیے کافی مشہور ہیں۔

وہیں ان کی نظموں میں محبت، فرقہ وارانہ ہم آہنگی، معاشرتی اصلاح اور کشمیریوں کی حالت زار جسے موضوعات زیادہ جھلکتے تھے۔ انہوں نے کہا کہ مہجور عوامی سطح کے شاعر تھے، جنہوں نے اپنی شاعری عوامی سطح سے کی ہے، اور اسے اپنے خوبصورت الفاظ میں ترتیب دے کر ثابت کیا ہے کہ وہ سچ میں شاعر کشمیر ہیں۔