اننت ناگ: جنوبی کشمیر South Kashmir کے کوکرناگ میں جمعرات کی سہ پہر کو اہلن گڈول علاقے کے جنگلاتی علاقے میں ریچھ نے حملہ کر کے ایک 50 سالہ خاتون کو ہلاک کر دیا۔ 50 Year old Woman killed in Bear Attack ذرائع سے معلوم ہوا ہے کہ 50 سالہ زیبا بیگم اہلیہ عبد الرحیم چوپان ساکن اہلن گڈول جنگل میں لکڑیاں جمع کرنے کی غرض سے گھر سے نکلیں اور اس دوران ریچھ نے ان پر حملہ کر کے لہو لوہان کر دیا۔
مقامی باشندوں نے خاتون کو نزدیکی ہسپتال منتقل کیا، تاہم ڈاکٹروں کے مطابق اسپتال پہنچانے سے قبل ہی خاتون کی موت ہو چکی تھی۔ ریچھ کے حملہ میں خاتون کی موت کی خبر ملتے ہی اہل گڈول علاقے میں صف ماتم بچھ گئی۔ Woman killed in bear Attack in Kokernag قابل ذکر ہے کہ وادی کشمیر کے طول و عرض میں رواں برس جنگلی جانوروں کے حملوں میں کئی افراد ہلاک جب کہ متعدد زخمی ہوئے ہیں۔ جنگلی جانوروں کی جانب سے بڑھتے انسانی حملوں سے عوام خوفزدہ ہیں۔
یاد رہے کہ گذشتہ ماہ شمالی کشمیر کے سرحدی قصبہ اوڑی میں آدم خور تیندوے نے تین کمسن بچوں پر حملہ کرکے انہیں ہلاک کر دیا تھا۔ محکمہ وائلڈ لائف کی جانب سے کئی دنوں تک کوششیں جاری رکھنے کے بعد بالآخر انہوں نے آدم خور تیندوے کو ہلاک کرنے کا دعویٰ کیا۔ Human Wildlife Conflict in Kashmir ادھر، چند ہفتہ قبل شمالی کشمیر کے بانڈی پورہ ضلع میں ریچھ کے حملہ میں 60 سالہ عمر رسیدہ شخص کی موت واقع ہو گئی۔ قبل ازیں جنوبی کشمیر کے پلوامہ ضلع میں ریچھ نے ٹہاب اور اس سے متصل دیہات میں قریب چھ افراد پر حملہ کر کے انہیں شدید زخمی کر دیا تھا۔ وائلڈ لائف کی جانب سے پنجرے نصب کیے جانے کے باوجود ریچھ کو ابھی تک پکڑنے میں کامیابی حاصل نہیں مل سکی۔
