Fire In Achabal اچھہ بل علاقے میں سیریکلچر ڈیپارٹمنٹ کی عمارت میں آتشزدگی

ضلع اننت ناگ کے پنگوانی اچھہ بل علاقے میں سیریکلچر ڈیپارٹمنٹ کی عمارت میں زبردست آگ لگ گئی۔ آگ پر قابو کرنے کے لیے فائر سروس محکمہ جائے واردات پر پہنچی۔ اگ لگنے کی وجوہات کا تاحال علم نہ ہوسکا۔

اننت ناگ:جنوبی کشمیر کے ضلع اننت ناگ کے پنگونی اچھہ بل علاقے میں سیریکلچر ڈیپارٹمنٹ کی عمارت میں اچانگ آگ لگ گئی۔آگ پر قابو کرنے کے لیے فائر سروس محکمہ جائے واردات پر پہنچی۔ آگ لگنے کی وجوہات کا تاحال علم نہ ہوسکا۔ تفصیلات کے مطابق آج شام اچھہ بل کے پنگونی جوگی گنڈ علاقے میں محکمہ سیریکلچر کی عمارت میں آگ لگ گئی۔فائر اینڈ ایمرجنسی محکمہ جائے وقوعہ پر پہنچ گئے ہے اور آگ بجھانے میں لگ گئے۔ وہیں پولیس اور مقامی لوگ بھی آگ پر قابو پانے میں مدد کر رہے ہے۔

آگ کی اس واردات میں ابھی تک کسی جانی نقصان کی کوئی اطلاع موصول نہیں ہوئی ہے۔ تاہم عمارت میں موجود تمام سامان اور دیگر ایشاء آگ لگنے سے راکھ کے ڈھیر میں تبدیل ہوگئے۔ آگ لگنے کی وجوہات کا تاحال علم نہ ہوسکا وہیں پولیس نے مقدمہ درج کر کے تفتیش شروع کردی ہے۔ واضح رہے کہ آج ضلع اننت ناگ کے ہٹی گام، سریگفوارہ میں آتشزدگی کی واردات میں رہائشی مکان اور گؤ خانہ خاکستر ہو گئے تاہم آگ کی اس واردات میں کوئی جانی نقصان نہیں ہوا تھا۔