عیشمقام میں آتشزدگی، کئی دکانیں اور مکان خاکستر

جنوبی کشمیر کے ضلع اننت ناگ کے عیشمقام میں آتشزدگی کے ایک واقعے میں کئی دکانیں اور ایک مکان خاکستر ہو گیا۔ تاہم آگ کی واردات میں کسی جانی نقصان کی کوئی اطلاع نہیں ہے۔

ضلع اننت میں منگل کی صبح مشہور صوفی بزرگ سخی زین الدین ولیؒ کے مزار کے قریب ایک دکان سے اچانک آگ نمودار ہوئی جس نے کئی دکانوں اور ایک رہائشی مکان کو اپنی زد میں لے لیا۔

مقامی باشندوں کے مطابق گیس سلنڈر میں لیک کے باعث لگی آگ نے آناً فاناً کئی ڈھانچوں کو اپنی زد میں لے لیا۔

مقامی رضاکاروں اور فائر اینڈ ایمرجنسی عملہ کی بروقت کارروائی کے باعث آگ کو مزید پھیلنے سے روکا گیا۔ تاہم اس دوران کئی دکانیں اور ایک رہائشی مکان خاکستر ہوگیا۔

آگ کی واردات میں گرچہ کسی جانی نقصان کی کوئی اطلاع نہیں ہے۔ تاہم آتشزدگی میں لاکھوں کی املاک راکھ کے ڈھیر میں تبدیل ہو گئی۔