آئی سی سی بورڈ کی پیر کو دبئی میں ہوئی میٹنگ میں یہ فیصلہ لیا گیا۔ خاتون انڈر -19 ورلڈ کپ ہر دو سال بعد منعقد کیا جائے گا۔ کرکٹ کی اولین پالیسی کے تعین ادارے کے اجلاس میں کئی بڑے فیصلے لئے گئے۔
آئی سی سی نے سال 2023 سے آٹھ سالہ کرکٹ پروگرام کا اعلان کیا ہے جس میں ہر سال مرد اور خاتون کرکٹ کے ایک بڑے ٹورنامنٹ کا انعقاد کیا جائے گا۔ اس کے علاوہ انڈر -19 مرد اور خاتون کرکٹروں کے لئے چار ٹورنامنٹ کا انعقاد کیا جائے گا۔
آئی سی سی کے صدر ششانک منوہر نے کہاکہ بہت سے اختیارات پر غور کرنے کے بعد بورڈ نے ہر سال مرد اور خاتون کرکٹ کے ایک بڑے ٹورنامنٹ کے انعقاد کی ضرورت محسوس کی، اس سے دو طرفہ کرکٹ سیریز کے علاوہ بڑے ٹورنامنٹ کے انعقاد سے ایک کرکٹ کیلنڈر سال میں تسلسل بنا رہے گا اور کرکٹ کے مستقبل کی بنیاد اور مضبوط ہوگی۔
آئی سی سی نے خاتون کرکٹ کی مقبولیت اور فروغ دینے کے لئے انعام کی رقم میں 26 ملین ڈالر کا اضافے کا بھی اعلان کیا ہے۔
