برمنگھم: ہندوستانی مردوں کی 4x400 میٹر ریلے ٹیم نے جمعہ کو اپنی ہیٹ میں دوسری پوزیشن حاصل کرتے ہوئے کامن ویلتھ گیمز 2022 کے فائنل میں جگہ بنالی۔Indian men's 4x400m relay team qualifies for final محمد انس یحییٰ، نوح نرمل ٹام، محمد اجمل اور اموز جیکب کی ہندوستانی ٹیم ہیٹ-2 میں 3:06.97 کے وقت کے ساتھ دوسرے اور مجموعی طور پر چھٹے نمبر پر رہی۔ ٹاپ آٹھ ٹیموں نے فائنل میں جگہ بنائی۔ہندوستانی ٹیم اب اتوار کو ہونے والے فائنل میں گولڈ میڈل کا دعویٰ کرے گی۔
مزید پڑھیں:
دریں اثنا، خواتین کی 100 میٹر رکاوٹوں میں جیوتی یاراجی ہیٹ-2 میں 13.18 سیکنڈ میں چوتھے نمبر پر رہیں اور فائنل کے لیے جگہ سے محروم رہیں۔ وہ کوالیفائنگ راؤنڈ میں کل 17 میں سے 10 ویں نمبر پر رہیں۔اس کے علاوہ اینسی سوجن 6.25میٹر کی بہترین کوشش کے ساتھ کوالیفکیشن میں مجموعی طور پر 13ویں نمبر پر رہیں اور خواتین کی لمبی چھلانگ کے فائنل میں جگہ بنانے سے محروم رہیں۔
واضح رہے کہ فائنل میں پہنچنے کے لیے کسی کو 6.75 میٹر کا ہندسہ عبور کرنا ہوگا یا ٹاپ 12 میں شامل ہونا ہوگا۔
(یو این آئی)
