بنگلورو: بنگلورو فٹ بال کلب نے ہیرو سپر کپ 2023 کے لیے 30 رکنی اسکواڈ کا اعلان کیا۔ اسکواڈ میں بنگلورو ایف سی 'بی' ٹیم کے تین کھلاڑی شامل ہیں، جبکہ کوچ سائمن گریسن نے اپنی فہرست میں پانچ غیر ملکی کھلاڑیوں کو شامل کیا ہے۔ سائمن گریسن نے کہا کہ "یہ ہمارے لیے کلب کی ٹرافی کیبنٹ میں ایک اور ٹرافی کا اضافہ کرنے کا موقع ہے۔ ہم یہاں سے اے ایف سی کپ کے لیے بھی کوالیفائی کر سکتے ہیں، اس لیے ہم اس کے منتظر ہیں۔ یہ ٹورنامنٹ آسان نہیں ہونے والا ہے اور ہمارے کھلاڑی اس چیلنج کے لیے تیار ہیں۔" ٹیم میں نئے آنے والوں میں 76 ویں سنتوش ٹرافی جیتنے والے کرناٹک ریاست کی ٹیم کے کھلاڑی ڈیفینڈر رابن یادو اور مڈفیلڈر لالریماتلونگا فانائی شامل ہیں، جب کہ نوجوان ٹیلنٹ شریاس کیتکر کو بھی ٹیم میں جگہ ملی ہے۔
انڈین سپر لیگ میں کھیلنے والے بنگلورو اسکواڈ کے ڈیفینڈر ایلین کوسٹا واحد غیر ملکی کھلاڑی ہیں جو سپر کپ اسکواڈ میں شامل نہیں ہیں۔ بلیوز کے ساتھ کوسٹا کا دور گزشتہ ہفتے ختم ہوا۔ گریسن نے کہا کہ "ہم اپنی مضبوط ٹیم کے ساتھ گئے ہیں اور مجھے یہ دیکھ کر بھی خوشی ہوئی ہے کہ کچھ نوجوان بی ٹیم میں جگہ بنا چکے ہیں۔ ان کھلاڑیوں نے بی ٹیم کے میچوں میں اچھی کارکردگی کا مظاہرہ کیا اور تربیت میں ہمارے ساتھ سخت محنت کی"۔ اسے ٹیم میں شامل کرنے کا یہ اچھا موقع ہے، وہ اس ٹورنامنٹ کے دوران بہت کچھ سیکھ سکتا ہے اور خود کو بہتر بنا سکتا ہے۔ بنگلورو ایف سی ہفتہ کو سری ندھی دکن ایف سی کے خلاف اپنی مہم کا آغاز کرے گی۔ یہ میچ ہفتہ کو ای ایم ایس کارپوریشن اسٹیڈیم میں شام 5 بجے کھیلا جائے گا۔
یہ بھی پڑھیں: Tri Nation Football Tournament کرغز جمہوریہ کو شکست دے کر بھارت نے سہ ملکی فٹ بال ٹورنامنٹ کا خطاب جیتا
بنگلورو ایف سی اسکواڈ:
گول کیپر: گرپریت سنگھ سندھو، امرت گوپ، لارا شرما، شیرون پاداٹل۔۔ ڈیفنڈرز: سندیش جھنگن، پیراگ شریواس، الیگزینڈر جووانووک، نورم روشن سنگھ، پربیر داس، نمگیال بھوٹیا، ونگگیام مویرانگ، رابن یادو، بسوا دارجی۔۔۔۔ مڈ فیلڈرز: برونو سلوا، جیش رانے، سریش سنگھ وانگجام، جاوی ہرنینڈز، روہت کمار، پابلو پیریز، آشیش جھا، فنائی لالریمٹلوانگا، تھوئی سنگھ، دمت فانگ لنگڈوہ، شریاس کیتکر۔۔۔۔ اسٹرائیکر: سنیل چھتری، شیو شکتی نارائنن، رائے کرشنا، ہرمن پریت سنگھ، لیون آگسٹین، اودنتا سنگھ۔
یو این آئی
