اولمپک چمپئن نیرج چوپڑا یوجین (اوریگاؤں) میں 15 سے 24 جولائی تک منعقد ہونے والی عالمی ایتھلیٹکس چمپئن شپ میں 22 رکنی بھارتی دستے کی قیادت کریں گے۔ ایتھلیٹکس فیڈریشن آف انڈیا نے جمعرات کو چیمپئن شپ کے لیے 22 رکنی اسکواڈ کا اعلان کیا، جس میں پانچ خواتین شامل ہیں۔World Athletics Championships
فیڈریشن کے صدر عادل جے سماری والا نے کہا کہ ٹیم کا انتخاب ان کھلاڑیوں میں سے کیا گیا ہے جنہوں نے عالمی ایتھلیٹکس کے مقرر کردہ داخلے کے معیارکوحاصل کیا ہے یا ان کا عالمی درجہ بندی کی بنیاد پر انتخاب کیا گیا۔ 16 ایتھلیٹوں میں سے سات انفرادی مقابلوں میں اتریں گے، وہ قومی ریکارڈ ہولڈر ہیں، ان میں سابلے، سری شنکر، تیجندرپال سنگھ تور، نیرج چوپڑا، سندیپ کمار، انو رانی اور پرینکا گوسوامی شامل ہیں۔
یو این آئی
