ہیرو انڈین سپر لیگ (آئی ایس ایل ) کے چھٹے سیزن کے دوسرے سیمی فائنل کے دوسرے مرحلے میں اتوار کو سالٹ لیک اسٹیڈیم میں میزبان اٹلیٹیکوڈی کولکاتا کا سامنا موجودہ چیمپیئن بنگلور ایف سی سے ہوگا۔
اس میچ میں دونوں ٹیموں کے درمیان دلچسپ اور سنسنی خیز مقابلہ کی امید ہے۔
بنگلور نے اپنے گھر میں کھیلے گئے پہلے لیگ میچ میں اٹلیٹیکوڈی کولکاتا کو 0-1 سے شکست دی تھی اس لحاظ سے اس کا پلڑا بھاری ہے۔
بنگلور کو اگرچہ صرف ایک گول کی برتری حاصل ہے اور اٹلیٹیکوڈی کولکاتا دو گول کرتے ہوئے یہ میچ اپنے نام کر کے تیسرے خطاب کی جانب قدم بڑھانا چاہتا ہے۔
اٹلیٹیکوڈی کولکاتا کو معلوم ہے کہ اس کے لیے بنگلور کو شکست دینا آسان نہیں ہوگا کیونکہ موجودہ چیمپیئن کی کارکردگی اب تک شاندار رہی ہے۔ رائے کرشنا، ڈیوڈ ولیمز اور ادبیديا جیسے کھلاڑیوں کو پہلے لیگ میں بنگلور کے ڈیفنس کے آگے کافی پریشانی ہوئی تھی۔
بنگلور نے 19 میچوں میں صرف 13 گول کھائے ہیں اور ایسے میں گول کرنے کے لیے انتونیو ہاباس کی ٹیم کو گھر میں بہترین کھیل دکھانا ہوگا۔
اٹلیٹیکوڈی کولکاتا ہوم گراؤنڈ میں ریکارڈ شاندار رہا ہے اور یہی بات اس ٹیم کو حوصلے دے گی۔ اس ٹیم نے رواں سیزن میں گھریلو میدان میں 9 میچوں میں سے 6 میں کامیابی حاصل کی ہے اور گھر میں 18 گول کئے ہیں۔ سب سے اہم بات یہ ہے کہ لیگ سطح پر اے ٹی کے نے بنگلور کو اپنے گھر میں 0-1 سے شکست دی تھی۔
بنگلور ایف سی کے کوچ چارلس كواڈراٹ نے کہا کہ ہم ایک انتہائی مشکل میچ کی توقع کر رہے ہیں۔ یہ گذشتہ تین سیزن میں اے ٹی کے کے لیے سب سے اہم میچ ہے۔
انہوں نے کہا کہ گزشتہ دو سیزن میں اے ٹی کے پلے آف میں نہیں پہنچ سکی تھی اور اب وہ ہر حال میں فائنل میں پہنچنا چاہے گی۔
اٹلیٹیکوڈی کولکاتا کے کوچ ہباس نے کہا کہ 'ہمارا مقصد میچ جیتنا اور فائنل میں جانا ہے، کوچ کے طور پر میری ڈیوٹی ٹیم کو اس چیلنج کے لیے تیار کرنا ہے۔
انہوں نے کہا کہ ہمارے لیے یہ کافی اہم چیلنج ہے، ہم اس کے لیے تیار ہیں، بنگلور کی ٹیم ایرک پارٹالو اور سنیل چھیتری کی بدولت کامیابی حاصل کرنا چاہے گی، ڈماس ڈیلگاڈو کی ڈلیوری اے ٹی کے کے ڈیفنس کے لیے خطرہ ہو سکتے ہیں۔
