پی ایس ایل ٹورنامنٹ کا دوسرا ایلیمنیٹر اتوار کے روز لاہور قلندرز اور ملتان سلطانز کے مابین کھیلا گیا جس میں لاہور قلندرز نے 25 رنز سے جیت کے ساتھ ہی فائنل میں داخلہ حاصل کیا ہے۔
کراچی کنگز نے سنیچر کو کوالیفائر میں ملتان سلطانس کو سُپر اوور میں ہرایا تھا جبکہ اُسی دن پہلے ایلمینیٹر میں لاہور قلندرز نے پیشاور زلمی کو پانچ وکٹ سے شکست دی تھی۔
دوسرے الیمینٹر میں لاہور قلندرز نے بیس اوورز میں 6 وکٹ پر 182 رنوں کا مضبوط اسکور بنایا۔ تمیم اقبال نے 30 رنز، فخر زمان 46، سمیت پٹیل نے 26 اور ڈیوڈ ویس نے محض 21 گیندوں پر ناٹ آؤٹ 48 رنز بنائے تھے۔ ویوڈ ویس نے 5 چوکے اور 3 چھکے لگائے تھے۔
اس کے جواب میں ملتان سلطانز ٹیم 19.1 اوورز میں 157 رن بنا کر آؤٹ ہوگئی۔
لاہور قلندرز کی جانب سے حارث رؤف اور ڈیوڈ ویس نے تین تین وکٹیں حاصل کی تھیں۔ ویس کو ان کی شاندار کاکردگی کی بدولت پلیئر آف دی میچ کے ایوارڈ سے نوازا گیا۔
