پی ایس ایل ٹورنامنٹ گزشتہ چار مارچ کو پاکستان کرکٹ بورڈ کی طرف سے بنائے گئے بایو ببل میں کووڈ 19 کیسز میں اضافہ کی وجہ سے ملتوی کردیا گیا تھا۔ اس وقت تک صرف 14 میچ ہی ہوسکے تھے لیکن اب یہ دوبارہ شروع ہوگا۔
پی ایس ایل فرنچائزی ٹیم، سپورٹ اسٹاف اور دیگر تمام جو پی ایس ایل کے بایو ببل میں واپس آئیں گے انہیں 22 مئی سے ہوٹل میں سات دن کے سخت کوارنٹین میں رہنا ہوگا۔ اس کے بعد ہی انہیں پریکٹس کی اجازت دی جائے گی۔
بایو سیفٹی پروٹوکول کا جائزہ لینے کے لیے قائم کئے گئے دو رکنی پینل نے ورچول میٹنگ میں بورڈ آف گورنرنس کو پریزنٹیشن اور اپ ڈیٹ دیا۔
بورڈ آف گورنرنس نے پینل کی تمام سفارشات کو منظوری دے دی ہے جس میں کووڈ 19 ایس او پی کی خلاف ورزی کرنے والوں کو قطعی برداشت نہیں کیا جائے گا۔
اس درمیان پاکستان کرکٹ کے قد آوروں کھلاڑیوں کی حصولیابیوں کو اعزاز سے نوازے جانے کے لیے پی سی بی نے ہال آف فیم لانچ کرنے کا فیصلہ کیا ہے اور اس کے لیے اسے بورڈ آف گورنرنس کی منظوری مل گئی ہے۔
