پاکستان سُپر لیگ (پی ایس ایل) کے میچز کراچی میں کھیلے جارہے ہیں، تاہم سیزن کا 12واں مقابلہ جو کہ کوئٹہ اور اسلام آباد یونائٹیڈ کے درمیان ہونا تھا نہیں ہوسکا۔ کیوں کہ فواد احمد کا کورونا ٹیسٹ پازیٹیو نکلا ہے۔
اس ضمن میں اسلام آباد یونائٹیڈ نے اطلاع دی، سماجی رابطے کی ویب سائٹ ٹوئٹر پر جاری ایک بیان میں یونائٹیڈ کی انتظامیہ نے بتایا کہ آسٹریلیا سے تعلق رکھنے والے فواد احمد کا کورونا ٹیسٹ مثبت آیا ہے۔
اس سے قبل ذرائع نے بتایا تھا کہ اسلام آباد یونائٹیڈ کے ایک کھلاڑی کا کورونا وائرس ٹیسٹ مثبت آیا ہے، لیکن ان کا نام ظاہر نہیں کیا گیا تھا۔ مذکورہ کھلاڑی کا ٹیسٹ مثبت آنے کے بعد دیگر کھلاڑیوں اور اسکواڈ ممبران کے فوری کورونا وائرس ٹیسٹ کیے گئے۔
تاہم اب اسلام آباد یونائٹیڈ کی جانب سے ایک بیان سامنے آیا جس میں بتایا گیا کہ ان کی ٹیم میں آسٹریلیا سے تعلق رکھنے والے فواد احمد کا کورونا وائرس ٹیسٹ مثبت آیا ہے۔ اس بیان میں بتایا گیا ہے کہ ان کا ٹیسٹ دو روز قبل مثبت آیا تھا جس کے بعد انھیں 2 روز کے لیے فوری طور پر آئیسولیشن میں بھی ڈال دیا گیا تھا۔
اسلام آباد یونائٹیڈ کی انتظامیہ کا کہنا ہے کہ اسلام آباد یونائٹیڈ کے دیگر تمام کھلاڑیوں کے کورونا وائرس ٹیسٹ منفی آئے ہیں اور انھیں کھیلنے کے لیے کلیئر قرار دیا گیا ہے۔ پیغام میں فواد احمد کی جلد صحتیابی کے لیے دعا بھی کی گئی۔
