جنوبی افریقہ کے وکٹ کیپر کوئنٹن ڈی کاک کو ویسٹ انڈیز کے خلاف ٹیسٹ سیریز میں شاندار کارکردگی کا پھل ملا اور آئی سی سی کی تازہ ٹیسٹ رینکنگ میں پھر سے سرفہرست 10 میں پہنچ گئے ہیں۔
-
📈 Shuffles in the @MRFWorldwide ICC Men's Test Batting Rankings with @QuinnyDeKock69 moving into the top 10!
— ICC (@ICC) June 23, 2021 " class="align-text-top noRightClick twitterSection" data="
Full list: https://t.co/UQn9xI4e8K pic.twitter.com/VTNEXw596z
">📈 Shuffles in the @MRFWorldwide ICC Men's Test Batting Rankings with @QuinnyDeKock69 moving into the top 10!
— ICC (@ICC) June 23, 2021
Full list: https://t.co/UQn9xI4e8K pic.twitter.com/VTNEXw596z📈 Shuffles in the @MRFWorldwide ICC Men's Test Batting Rankings with @QuinnyDeKock69 moving into the top 10!
— ICC (@ICC) June 23, 2021
Full list: https://t.co/UQn9xI4e8K pic.twitter.com/VTNEXw596z
ڈی کاک نے ویسٹ انڈیز کے خلاف سینٹ لوسیا میں جنوبی افریقہ کی 58 رنز کی جیت اور سیریز 2-0 سے جیت کے میں اہم کردار ادا کرنے کے بعد درجہ بندی میں برتری حاصل کی۔
ڈی کاک نے ویسٹ انڈیز کے خلاف پہلی اننگز میں 96 رن بنائے تھے۔ انہیں دو مقام کا فائدہ ہوا اور وہ 10 ویں مقام پر پہنچ گئے ۔ ڈی کاک گزشتہ 18 ماہ میں پہلی بار ٹاپ 10 میں پہنچے ہیں۔ 28 سالہ ڈی کاک کی کریئر کی بہترین رینکنگ 6 ہے جو انہوں نے دسمبر 2019 میں حاصل کی تھی۔
آئی سی سی کی تازہ درجہ بندی میں بائیں ہاتھ کے ایک اور بلے باز جنوبی افریقہ کے کپتان ڈین ایلگر نے 77 رن کی اپنی شاندار اننگز سے ایک مقام کی بہتری کی ہے اور وہ 19 ویں مقام پر پہنچ گئے ہیں۔
اس کے علاوہ رسی وان ڈر ڈسین دوسری اننگز میں ناٹ آؤٹ 75 رن بنانے کی بدولت 31 مقام کی لمبی چھلانگ لگاکر 43 ویں نمبر پر پہنچ گئے ہیں۔ میچ کی پہلی اننگز میں 5 وکٹ لینے والے تیز گیند باز کگیسو رباڈا ایک مقام کی بہتری کے ساتھ چھٹے نمبر پر پہنچ گئے ہیں۔
ویسٹ انڈیز کے خلاف ٹیسٹ میچ کی دوسری اننگز کے دوران 61 سال بعد جنوبی افریقہ کی جانب سے ٹیسٹ میں ہیٹ ٹرک لینے والے اسپنر کیشو مہاراج میچ میں 7 وکٹ لینے کی کارکردگی کی بدولت تین مقامات کے فائدے کے ساتھ 28 ویں مقام پر پہنچ گئے ہیں جبکہ تیز گیند باز لُنگی انگڈی تین مقامات کی چھلانگ کے ساتھ 41 ویں نمبر پر آگئے ہیں۔
اس کے علاوہ ویسٹ انڈیز کے بلے باز جرمین بلیک وڈ جنوبی افریقہ کے خلاف بالترتیب 49 اور 25 رنز کے اسکور کے بعد 12 مقامات کے فائدے سے 44 ویں مقام پر پہنچ گئے ہیں جبکہ شائی ہوپ تین مقامات کی بہتری سے 82 ویں اور کیرون پاویل 6 مقام کے فائدے کے ساتھ 94 ویں نمبر پر آگئے ہیں۔
یہ بھی پڑھیں: یونس خان نے دیا پاکستانی کرکٹ ٹیم کوچ کے عہدے سے استعفی
وہیں ایسٹ انڈیز کے تیز گیند باز کیمار روچ کے ساتھ وکٹوں کی کارکردگی نے انہیں ٹاپ 10 کے نزدیک پہنچا نے میں مدد کی ہے۔ وہ ایک مقام کی چھلانگ کے ساتھ 12 ویں مقام پر پہنچ گئے ہیں۔ دوسرے ٹیسٹ کی دونوں اننگز تین وکٹ لینے والے مڈل فاسٹ گیند باز کائل میئرس 51 مقام کی چھلانگ کے ساتھ بنگلہ دیش کے نعیم حسن کے ساتھ مشترکہ طور پر 53 ویں نمبر پر آگئے ہیں۔
ویسٹ انڈیز کے سابق کپتان جیسن ہولڈر کو آل راؤنڈر رینکنگ میں 28 ریٹنگ پوائنٹ کا نقصان ہوا ہے اور وہ سرفہرست مقام سے کِھسک کر دوسرے نمبر پر آگئے ہیں جبکہ پہلے مقام پر رویندر جڈیجہ قابض ہوگئے۔ جڈیجہ کے 386 ریٹنگ پوائنٹ جبکہ ہولڈر کے پاس 384 ریٹنگ پوائنٹ رہ گئے ہیں۔
فی الحال بلے بازوں کی تازہ ترین ٹیسٹ رینکنگ میں اسٹیو اسمتھ پہلے مقام پر ہیں جبکہ کین ولیمسن دوسرے، مرنز لابیوشین تیسرے، وراٹ کوہلی چوتھے، جو روٹ 5 ویں، روہت شرما چھٹے، رشبھ پنت ساتویں، ہینری نکولس 8 ویں، ڈیوڈ وارنر 9 ویں اور کوئنٹن ڈی کاک 10 ویں نمبر پر ہیں۔
