ہمبنٹوٹا:کرو یا مرو کے میچ میں افغانستان نے پاکستان کے سامنے 301 رنز کا ہدف رکھا تھا۔ پاکستان نے یہ ہدف ایک گیند باقی رہتے نو وکٹوں کے نقصان پر حاصل کر لیا۔ افغانستان کی جانب سے اوپنر رحمان اللہ گرباز نے 151 گیندوں پر 14 چوکوں اور تین چھکوں کی مدد سے 151 رنز بنائے۔ ابراہیم زدران نے 101 گیندوں پر چھ چوکوں اور دو چھکوں کی مدد سے 80 رنز بنائے۔ امام کی نصف سنچری اور بابر اعظم (53) کے ساتھ ان کی سنچری پارٹنرشپ نے پاکستان کو آسانی سے ہدف کی جانب گامزن کر دیا، لیکن افغانستان نے میچ میں مضبوطی سے واپسی کرتے ہوئے آخری 20 اوورز میں وقفے وقفے سے وکٹیں حاصل کیں۔ پاکستان کا اسکور 170/1 سے 211/6 تک پہنچ گیا۔ شاداب نے کچھ دیر کے لیے افتخار احمد کے ساتھ اننگز کو سنبھالا لیکن افتخار اور شاہین آفریدی کے وکٹ جلدی گرنے سے پاکستان 272/8 پر شکست کے قریب پہنچ گیا۔
یہ بھی پڑھیں: Conditioning camp ahead of the Asia Cup ہندوستانی ٹیم ایشیا کپ سے قبل کنڈیشنگ کیمپ میں حصہ لے گی
جب پاکستان کو آخری دو اوورز میں 27 رنز درکار تھے تو شاداب نے 49ویں اوور میں 16 رنز بنا کر اپنی ٹیم کو فتح کے قریب پہنچا دیا۔ شاداب آخری اوور کی پہلی ہی گیند پر نان اسٹرائیکر اینڈ پر رن آؤٹ ہوئے لیکن نسیم شاہ (ناٹ آؤٹ 10) نے پانچ گیندوں میں دو چوکے لگا کر پاکستان کی فتح پر مہر ثبت کی۔پاکستان اور افغانستان کی ٹیمیں اب ہفتہ کو کولمبو کے پریماداسا اسٹیڈیم میں تیسرے ون ڈے میں آمنے سامنے ہوں گی۔
یو این آئی
