لندن:تیز گیند باز جوش ٹنگ کو معین علی کی جگہ لارڈز میں آسٹریلیا کے خلاف دوسرے ایشز ٹیسٹ کے لیے انگلینڈ کی ٹیم میں شامل کیا گیا ہے۔ انگلینڈ اینڈ ویلز کرکٹ بورڈ نے منگل کویہ اعلان کیا۔ ایجبسٹن میں سیریز کے افتتاحی میچ میں دو وکٹوں کی قریبی شکست کے دوران انگلینڈ کے اسپنر معین کی دائیں انگلی کا چھالا پھٹ گیا تھا۔
بدھ سے شروع ہونے والے مقابلے کے لیے ووسٹر شائر کے 25 سالہ تیزگیندباز ٹنگ کو مارک ووڈ کی تیز رفتار پر ترجیح دی گئی ہے۔ تیزگیندبازکرس ووکس اور لیگ اسپنر ریحان احمد کو بھی ٹنگ کے آگے نظر انداز کیا گیا۔ قابل ذکر ہے کہ ٹنگ نے رواں ماہ کے شروع میں آئرلینڈ کے خلاف اپنے ٹیسٹ ڈیبیو میں پانچ وکٹیں حاصل کی تھیں۔
دوسرے ایشز ٹیسٹ کے لیے انگلینڈ الیون: بین ڈکیٹ،جیک کرولی، اولی پوپ، جو روٹ، ہیری بروک، بین اسٹوکس (کپتان)، جونی بیرسٹو (وکٹ)، اسٹورٹ براڈ، اولی رابنسن، جوش ٹنگ، جیمز اینڈرسن ہیں۔
یہ بھی پڑھیں:Micheal Clarke رابنسن کو چپ رہنے کی ضرورت ہے: کلارک
واضح رہے کہ ایشز سیریز کے پہلے ٹیسٹ میچ میں مہمان ٹیم آسٹریلیا نے میزبان ٹیم انگلینڈ کو شکست دے کر سیریز میں ایک صفر کی برتری حاصل کرلی ہے۔دوسرے ٹیسٹ میچ میں انگلینڈ اپنی پوری فٹ ٹیم کو میدان میں اتارنے کے لئے فرسٹ الیون میں تبدیلی کا فیصلہ کیا ہے۔
یواین آئی
