چنئی سپرکنگس کو جمعہ کے روز ممبئی انڈینس کے ہاتھوں 10 وکٹوں سے شکست کاسامنا کرنا پڑا اور وہ آئی پی ایل کے پلے آف سے باہرہونے کے دہانے پر پہنچ گئی۔
آئی پی ایل خطاب کی تین بار کی فاتح اور پانچ بار کی رنر اپ چنئی سپرکنگس اس بار بھی آئی پی ایل میں کھیلی ، پلے آف میں پہنچی لیکن ایسا لگ رہا ہے کہ یہ پہلا موقع ہے جب دھونی کی سربراہی والی ٹیم پلے آف میں نظر نہیں آئے گی۔
چنئی نے افتتاحی میچ میں چیمپئن ممبئی کو شکست دے کر ٹورنامنٹ کی شاندار شروعات کی لیکن اس کے بعد بھی اس کی کارکردگی مسلسل زوال پذیر رہی۔ ممبئی نے افتتاحی میچ میں شکست کا بدلہ چنئی کے خلاف اس جیت کے ساتھ لے لیا۔
چنئی کو بقیہ تین میچ بڑے فرق سے جیتنےہوں گے اور توقع یہ کرنی ہوگی کہ مزید چار ٹیمیں 12 پوائنٹس پر ہی رک جائیں لیکن موجودہ کارکردگی سے چنئی کے لئے کوئی امید نہیں لگتی۔
چنئی کو اپنے ٹاپ آرڈر کے بلے بازوں کی شرمناک سپردگی کے سبب شکست کا سامنا کرنا پڑا۔ اگرچہ چنئی کی ٹیم نے سیم کیرن کی 52 رنوں کی دھماکے دار اننگز کی بدولت 20 اووروں میں نو وکٹوں پر 114 رن بنائے تھے، لیکن یہ اسکور ایسا نہیں تھا کہ ممبئی کو کسی پریشانی کا سامنا کرنا پڑے۔
ممبئی نے اپنے اوپنروں ایشان کشن (ناٹ آؤٹ 68) اور کوئٹن ڈی کوک (ناٹ آؤٹ 46) کی عمدہ اننگز سے 12.2 اووروں میں بغیر کوئی وکٹ کھوئے 116 رن بناکر جیت اپنے نام درج کرلی۔
