ماؤنٹ مونگائی: نیوزی لینڈ کے بے اول میں بھارت اور نیوزی لینڈ کے درمیان دوسرے ٹی 20 میچ میں نیوزی لینڈ نے ٹاس جیت کر بھارت کو بلے بازی کی دعوت دی تھی جس کے بعد بھارتی بلے باز سوریہ کُمار یادو نے کیوی گیند بازوں کی جم کر دھنائی کی اور محض 51 گیندوں میں 111 رنز بنائے۔ اس کے سبب بھارت نے نیوزی لینڈ کو 192 رنز کا ہدف دیا۔ نیوزی لینڈ کی جانب سے ٹیم ساؤتھی سب سے کامیاب گیند باز رہے اور آخری اوور میں ہیٹ ٹرک لی۔ انہوں نے 4 اوورز میں 34 رنز دے کر 3 وکٹیں حاصل کیں جبکہ لوکی فرگیوسن نے دو اور ایش سوڈھی نے ایک بلے باز کو آؤٹ کیا۔ India Tour of New Zealand
بھارت نے سوریہ کمار یادو (ناٹ آؤٹ 111) کی دھماکہ خیز سنچری کی مدد سے اتوار کے روز نیوزی لینڈ کے خلاف دوسرے ٹی 20 میچ میں 192 رنز کا ہدف دیا۔ سوریہ کمار نے اس دھماکہ خیز سنچری میں 51 گیندوں میں 11 چوکے اور سات چھکے لگا کر 111 رنز بنائے۔ وہ روہت شرما (2018) کے بعد ٹی-20 انٹرنیشنل میں ایک سال میں دو سنچریاں بنانے والے دوسرے بھارتی بلے باز بن گئے۔
نیوزی لینڈ نے ٹاس جیت کر بولنگ کا فیصلہ کیا اور ابتدائی اوور میں سخت گیند بازی کی۔ اننگز کا آغاز کرنے والے رشبھ پنت نے سخت جدوجہد کی اور 13 گیندوں میں چھ رنز بنانے کے بعد پویلین لوٹ گئے۔ ایشان کشن نے کچھ اچھے شاٹس کھیلے، حالانکہ وہ 31 گیندوں پر پانچ چوکوں اور ایک چھکے کی مدد سے صرف 36 رنز ہی بنا سکے۔ شریاس ایر (13) نے چوکا کھیل کر اننگز کا آغاز کیا لیکن بدقسمتی سے وکٹ کا شکار ہونے کے بعد پویلین لوٹ گئے۔
بھارت نے 10 اوورز میں صرف 75 رنز بنائے تھے جس کے بعد سوریہ کمار نے اننگز کی رفتار کو تبدیل کرنے کا فیصلہ کیا۔ انہوں نے تیسرے وکٹ کے لیے ایر کے ساتھ 39 رنز کی شراکت داری کی، جب کہ کپتان ہاردک پانڈیا (13) کے ساتھ چوتھے وکٹ کے لیے 82 رنز کا اضافہ کیا۔ سوریہ کمار کی طوفانی بلے بازی کی بدولت بھارت نے آخری پانچ اوورز میں 72 رنز بنائے۔ تاہم، آخری اوور میں ٹم ساؤتھی نے پانڈیا، دیپک ہڈا اور واشنگٹن سندر کو آؤٹ کر کے ہیٹ ٹرک کی اور صرف پانچ رنز دے کر بھارت کو 20 اوورز میں 191/6 تک محدود کر دیا۔ ساؤتھی کے علاوہ لوکی فرگوسن نے چار اوورز میں 49 رنز دے کر دو وکٹ حاصل کیے جبکہ ایش سودھی نے چار اوورز میں 35 رنز دے کر ایک وکٹ لیا
