انگلینڈ خواتین کرکٹ ٹیم آئی سی سی ویمنز ورلڈ کپ 2022 کی تیسری سیمی فائنلسٹ بن گئی ہے۔ انگلینڈ نے آخری لیگ میچ میں بنگلہ دیش کو 100 رنز کے بڑے فرق سے شکست دے کر سیمی فائنل میں جگہ پکی کرلی۔ انگلینڈ کو ناک آؤٹ تک پہنچنے کے لیے یہ میچ کسی بھی قیمت پر جیتنا ضروری تھا اور اس نے میچ جیتنے کے لیے جان جھونک دی۔ ویلنگٹن میں کھیلے گئے میچ میں انگلینڈ نے پہلے بلے بازی کرتے ہوئے 234 رنز بنائے اور پھر بنگلہ دیش کو 134 رنز پر ڈھیر کردیا۔ England defeated Bangladesh۔
-
Defending champions England book a spot in the #CWC22 semi-finals in the final group game 👏 pic.twitter.com/QGbt0UhgZF
— ICC (@ICC) March 27, 2022 " class="align-text-top noRightClick twitterSection" data="
">Defending champions England book a spot in the #CWC22 semi-finals in the final group game 👏 pic.twitter.com/QGbt0UhgZF
— ICC (@ICC) March 27, 2022Defending champions England book a spot in the #CWC22 semi-finals in the final group game 👏 pic.twitter.com/QGbt0UhgZF
— ICC (@ICC) March 27, 2022
انگلینڈ نے ٹاس جیت کر پہلے بلے بازی کا فیصلہ کیا۔ تاہم اس کا آغاز بہت خراب رہا اور 26 رنز کے مجموعی اسکور دو وکٹیں گنوا دی تھی۔ ڈینیئل ویاٹ اور کپتان ہیتھر نائٹ چھ چھ رنز بنا کر آؤٹ ہوئیں۔ اس کے بعد ٹیمی بیومونٹ (33) اور نیٹ سکیور (40) نے مل کر اننگز کو سنبھالا اور 60 رنز کی شراکت داری کی لیکن یہ کھلاڑی 10 رنز کے فرق سے پویلین لوٹ گئے اور انگلینڈ نے 96 کے اسکور پر اپنے چار اہم کھلاڑیوں کی وکٹیں گنوا دیں۔ England Qualifies for Semifinal
ان کے آؤٹ ہونے کے بعد ایمی جونز (31) اور صوفیہ ڈنکلے (67) نے ٹیم کو سنبھالا اور 71 رنز کی شراکت داری کرکے اسکور کو 168 تک پہنچا دیا۔ آخری میں کیتھرین برنٹ (ناٹ آؤٹ 24 رنز)، سوفی ایکلسٹن (ناٹ آؤٹ 17 رنز) نے بھی اہم شراکت داری کی اور ٹیم کے اسکور کو 234 تک لے جانے میں کامیاب رہیں۔ ٹاپ فور میں جگہ بنانے کے لیے انگلینڈ کے لیے بنگلہ دیش کو ہرانا ضروری تھا اور اس نے اسے بخوبی انجام دیا۔ ٹورنامنٹ میں انگلینڈ کی یہ کامیابی اس لیے بھی قابل ستائش ہے کیونکہ اس نے پہلے تین میچ ہارنے کے بعد ایسا کیا ہے۔ لیگ مرحلے پر پہلے تین میچ ہارنے کے بعد انگلینڈ نے اگلے چار میچز شاندار انداز میں جیتے۔ اب اس کے آٹھ پوائنٹس ہیں اور وہ سیمی فائنل میں داخل ہوگئی ہیں۔
انگلینڈ سے پہلے آسٹریلیا اور جنوبی افریقہ کی ٹیمیں سیمی فائنل میں پہنچ چکی ہیں۔ اس کے ساتھ ہی نظریں چوتھے اور آخری مقام کے لیے کرائسٹ چرچ میں کھیلے جانے والے بھارت اور جنوبی افریقہ کے میچ پر لگی ہوئی ہیں۔ انگلینڈ کی طرح بھارت کو بھی سیمی فائنل میں جانے کے لیے یہ میچ جیتنا ضروری ہے۔ انگلینڈ کی ٹیم بنگلہ دیش کو شکست دے کر سیمی فائنل میں پہنچ گئی ہے۔ اب بھارت کی باری ہے جسے جنوبی افریقہ کے خلاف 275 کے اسکور کا دفاع کرنا ہے۔ اگر بھارت ایسا کرتا ہے تو اس کی سیمی فائنل میں جگہ بھی یقینی ہو جائے گی۔
