راولپنڈی: انگلینڈ کے کپتان بین اسٹوکس نے پیر کو پاکستان کو پہلے ٹیسٹ میں شکست دینے کے بعد کہا کہ یہ شاید غیر ملکی سرزمین پر انگلینڈ کی سب سے بڑی جیت میں سے ایک ہے۔ سنسنی خیز مقابلے میں انگلینڈ نے پاکستان کو جیت کے لیے 343 رنز کا ہدف دیا جس کے جواب میں پاکستان 268 رنز پر آل آؤٹ ہو گیا۔ اسٹوکس نے میچ کے بعد کہاکہ "آج ہم خوش قسمت تھے کہ گیند کو ریورس سوئنگ کروایا۔ آج جیمز اینڈرسن اور اولی رابنسن شاندار تھے۔ ان کے آؤٹ ہونے سے تقریباً آٹھ منٹ پہلے ہم جیت چکے ہوتے۔ یہ شاید انگلینڈ کی اب تک کی سب سے بڑی فتوحات میں سے ایک ہے۔" Stokes Statement after win over Pakistan
پاکستان نے پانچویں دن کا کھیل ختم ہونے سے تقریباً 35 منٹ قبل تک 264 رنز پر نو وکٹیں گنوا دی تھیں۔ نسیم شاہ اور محمد علی کی آخری جوڑی نے وکٹ پر آدھا گھنٹہ ایک ساتھ گزارا لیکن جیک لیچ نے نسیم کو آؤٹ کر کے انگلینڈ کو تاریخی فتح دلائی۔ اسٹوکس نے کہاکہ "ہم یہاں پاکستان آکر دلچسپ کرکٹ کے اپنے منتر کے ساتھ آگے بڑھنا چاہتے تھے۔ مجھے یا ڈریسنگ روم کو ڈرا کھیلنے میں کوئی دلچسپی نہیں ہے۔ اس طرح کی وکٹ پر حملہ آور شاٹس کھیلنے کے لیے پاکستانی بلے بازوں کو لبھانا پڑا۔ انگلینڈ نے پاکستانی سرزمین پر 22 سال بعد کامیابی حاصل کی ہے جبکہ اس کی آخری جیت 2000 میں ناصر حسین کی کپتانی میں ہوئی تھی۔
یہ بھی پڑھیں: England beat Pakistan by 74 runs راولپنڈی ٹیسٹ میں انگلینڈ نے پاکستان کو 74 رنز سے شکست دے دی
یو این آئی
