دہلی کے خلاف چنئی کی کارکردگی اچھی نہیں رہی اور اسے 44 رنوں سے ہار کا سامنا کرنا پڑا تھا۔ مقابلے میں چنئی کے بلے بازوں نے اچھی کارکردگی کا مظاہرہ نہیں کیا تھا۔ ممبئی انڈینس کے خلاف پہلے میچ میں 71 رنوں کی اننگ کھیلنے والے رائیڈو زخمی ہونے کی وجہ سے دہلی کے خلاف مقابلے میں ٹیم میں شامل نہیں ہوئے تھے۔
دھونی نے کہا 'یہ ہمارے لیے اچھا مقابلہ نہیں رہا۔ میدان میں اوس نہیں تھی لیکن پچ سس تھی۔ ہم بلے بازی سے بہتر کارکردگی نہیں کر سکے جس کا خمیازہ بھگتنا پڑا۔ سست شروعات کے بعد ضروری رن ریٹ تیزی سے بڑھ رہی تھی جس سے ٹیم پر دباؤ بڑھنے لگا۔ ہمیں اس بارے میں سوچنا ہوگا۔ ہمیں تال میل دیکھ کر اور غلطی سے سبق لے کر واپسی کرنی ہوگی۔'
انہوں نے کہا 'رائیڈو کے اگلے مقابلے میں ٹیم میں شامل ہونے سے شاید ٹیم کا توازن صحیح رہے۔ اس سے ہمیں اضافی گیند بازوں کے ساتھ تجربہ کرنے کا موقع ملے گا۔ اس میں کئی اور بھی چیزیں ہیں جن کے بارے میں ہمیں سوچنا ہوگا۔ ہمیں ایک بلے باز اور رکھنا ہوگا، جس سے آغاز اچھا ہوسکے اور کھلاڑی تیار رہیں۔ ہمیں لینتھ، لائن اور تیزی میں بھی بہتر کرنا ہوگا۔ میرے خیال سے اسپینر ابھی اپنی لئے حاصل نہیں کر سکے ہیں۔
دھونی نے کہا 'ہم نے اچھی گیند بازی کی تھی لیکن کچھ کمیاں رہ گئیں۔ میں نے کھلاڑیوں سے کہا ہے کہ 'وہ کیچ نہ چھوڑیں۔کھلاڑیوں کو اتنی روشنی میں کھیلنے کی عادت نہیں ہے۔ ہوسکتا ہے کہ اس سے انہیں دقت ہورہی ہو۔
