ویسٹ انڈیز کے سابق کرکٹر لارا نے ایک پروگرام کے دوران دھونی اور پنت کے درمیان موازنہ کو لے کر کہا کہ دونوں بالکل مختلف طرح کے کھلاڑی ہیں۔
تھرو اننت پورم میں ویسٹ انڈیز کے خلاف دوسرے ٹی -20 میچ کے دوران پنت نے ناٹ آؤٹ 33 رنز کی اننگز کھیلی تھی۔ لیکن پہلے میچ میں وہ 18 رنز بنا سکے تھے۔ پنت کے کھیل میں تسلسل کے فقدان کی وجہ سے بھی انہیں کافی تنقید کا سامنا کرنا پڑ رہا ہے۔
سرکردہ بلے باز لارا نے پنت کی حمایت کرتے ہوئے کہا کہ وہ دھونی سے بالکل مختلف کھلاڑی ہیں اور وقت کے ساتھ ان کے کھیل میں تبدیلی آئے گی۔ لارا نے کہاکہ پنت میں کافی جارحیت ہے اور بھارتی پرستار چاہتے ہیں کہ دھونی کی جگہ لینے والا کوئی کھلاڑی بھارتی ٹیم میں شامل ہو۔ لیکن پنت، دھونی سے بالکل مختلف کھلاڑی ہیں۔
انہوں نے کہاکہ عالمی کپ میں 8 سے 9 ماہ کا ہی وقت رہ گیا ہے اور ایسے میں یہ کسی کھلاڑی کے لیے ٹیم میں جگہ بنانے کے لحاظ سے اہم وقت ہے۔ لیکن پنت پر بطور وکٹ کیپر دباؤ بنانا غلط ہے۔
اس سے پہلے بھارتی کپتان وراٹ کوہلی نے بھی نوجوان وکٹ کیپر کی حمایت کرتے ہوئے کہا تھا کہ میدان پر پنت کے آنے پر لوگ جس طرح دھونی کے نام کے نعرے لگاتے ہیں وہ غلط ہے اور اس سے پنت پر دباؤ بڑھ گیا ہے۔ انہوں نے کہا تھا کہ پنت کو ابھی وقت دیئے جانے کی ضرورت ہے۔
