گزشتہ کچھ وقت سے ساؤتھ انڈین سپر ہٹ فلم 'وکرم ویدھا' کے ہندی ری میک بننے کی خبریں آرہی ہیں۔ پہلے کہا جارہا تھا کہ اس فلم میں عامر خان مرکزی کردار ادا کریں گے لیکن کسی وجہ سے عامر خان نے یہ فلم میں کام کرنے سے انکار کر دیا تھا جس کے بعد ریتک روشن کو اس کردار کے لیے منتخب کیا گیا تھا لیکن ریتک کے بھی فلم چھوڑنے کی خبریں گشت کر رہی ہیں۔
رپورٹ کے مطابق جب تک ریتک روشن کے ساتھ فلم کی شوٹنگ شروع نہیں ہوجاتی ہے اس وقت تک کچھ کہنا مشکل ہے۔
واضح رہے کہ ریتک روشن نے اس ہندی ری میک میں کام کرنے کے لیے حامی بھر لی تھی لیکن لاک ڈاؤن کے سبب شروع نہیں ہو سکی تھی لیکن لگتا ہے کہ ریتک نے بھی اپنا من بدل لیا ہے۔
بتا دیں کہ سُپر ہٹ تمل فلم 'وکرم ویدھا' میں وجے سیتو پتی نے ایک گینگسٹر کا کردار ادا کیا تھا اور وہی کردار ریتک روشن کرنے والے تھے جبکہ آر مادھون نے ایک پولیس افسر کا کردار ادا کیا تھا جو سیف علی خان کو دیا گیا ہے۔ ڈائریکٹر نیرج پانڈے نے اس تمل سُپر ہٹ فلم کا ہندی ری میک بنانے کے لیے حقوق بھی خرید لئے تھے۔
