حیدرآباد: مرکزی وزیر خارجہ ایس جے شنکر برطانیہ کے پانچ روزہ سرکاری دورہ پر ہیں۔ گزشتہ روز انہوں نے برطانوی وزیراعظم رشی سنک سے دیوالی کے موقع پر ملاقات کی اور نیک خواہشات کا اظہار کیا ہے۔ اس موقع پر وزیر خارجہ ایس جے شنکر نے برطانیہ کے وزیر اعظم رشی سنک کو بھارت کے عظیم بلے باز ویراٹ کوہلی کے دستخط شدہ بیٹ تحفے میں پیش کیا۔ ایس جے شنکر اپنے دورہ برطانیہ کی ایک تصویر بھی شیئر کی ہے جس میں رشی سنک کو تحفے میں دیا ہوا بیٹ قابل احترام طریقے سے پکڑے ہوئے دیکھا جاسکتا ہے۔
تحفے میں دیا ہوا بیٹ کون سا تھا؟ یہ ایک ایم آر ایف کا بیٹ تھا جس کے ساتھ ویراٹ کوہلی کا معاہدہ ہے جس کی وجہ سے ویراٹ کوہلی اسی نام کے بیٹ سے کھیلتے ہیں۔ مرکزی وزیر جے شنکر نے اسی بیٹ کو برطانیہ کے پہلے ہندو وزیر اعظم کو بطور تحفہ پیش کیا ہے۔ بیٹ پر پہلے سے ہی سابق بھارتی کپتان کے دستخط موجود تھے۔ وزیر اعظم رشی سنک نے اتوار کی شام ڈاؤننگ اسٹریٹ پر ڈاکٹر ایس جے شنکر کا خیرمقدم کیا۔
-
The Prime Minister @RishiSunak welcomed @DrSJaishankar to Downing Street this evening.
— UK Prime Minister (@10DowningStreet) November 12, 2023 " class="align-text-top noRightClick twitterSection" data="
Together they expressed their very best wishes as Indian communities around the world begin #Diwali celebrations.
🇬🇧🇮🇳 pic.twitter.com/gjCxQ0vr8d
">The Prime Minister @RishiSunak welcomed @DrSJaishankar to Downing Street this evening.
— UK Prime Minister (@10DowningStreet) November 12, 2023
Together they expressed their very best wishes as Indian communities around the world begin #Diwali celebrations.
🇬🇧🇮🇳 pic.twitter.com/gjCxQ0vr8dThe Prime Minister @RishiSunak welcomed @DrSJaishankar to Downing Street this evening.
— UK Prime Minister (@10DowningStreet) November 12, 2023
Together they expressed their very best wishes as Indian communities around the world begin #Diwali celebrations.
🇬🇧🇮🇳 pic.twitter.com/gjCxQ0vr8d
کوہلی کی دیوالی: جس وقت لندن میں برطانیہ کے وزیر اعظم کی سرکاری رہائش گاہ 10 ڈاؤننگ اسٹریٹ میں برطانوی وزیراعظم کو کوہلی کا دستخط شدہ بیٹ بطور تحفہ دیا جارہا تھا اسی وقت کوہلی میدان میں شائقین کی درخواست پر گیندبازی کر رہے تھے۔دراصل کرکٹ ورلڈ کپ 2023 میں اتوار کی شام کوہلی نے نیدرلینڈ کے کپتان اسکاٹ ایڈورڈز کو آوٹ کر دیا۔ جو کہ جنوری 2014 کے بعد کوہلی کی پہلی ون ڈے وکٹ تھی اور ون ڈے فارمیٹ میں ان کی مجموعی طور پر پانچویں وکٹ تھی۔ بلے کے ساتھ بھی ویراٹ نے شاندار کھیل کا مظاہرہ کیا اور نصف سنچری مکمل کرتے ہی آوٹ ہوگئے جس کے ساتھ وہ ریکارڈ 50 ویں سنچری کا خواب پورا نہیں کرسکے۔
وزیر خارجہ جے شنکر نے بھی ایکس پر تشکر کے پیغام میں لکھا کہ دیوالی کے دن وزیر اعظم رشی سنک سے ملاقات کرتے ہوئے خوشی ہوئی۔ وزیراعظم نریندر مودی کی نیک خواہشات کا اظہار کیا۔ بھارت اور برطانیہ عصر حاضر کے لیے تعلقات کو بہتر بنانے میں سرگرم عمل ہیں۔مسٹر اور مسز سنک کا ان کے گرمجوشی سے استقبال اور شاندار مہمان نوازی کے لیے شکریہ۔
سنک کا کرکٹ سے لگاؤ: رشی سنک کی کرکٹ سے محبت اس وقت پوری طرح سے دکھائی دی جب وہ اپنے آسٹریلوی ہم منصب انتھونی البانیز کے ساتھ لتھوانیا میں ولنیئس سمٹ میں ملاقات کر رہے تھے، اس دوران ان دونوں رہنماوں نے ایشز 2023 سیریز کی ایک ایک تصویر اٹھائے ہوئے نظر آئے۔ وہ ایشیز سیریز 2-2 سے ڈرا ہو گئی تھی۔
یہ بھی پڑھیں:
مرکزی وزیر خارجہ ایس جے شنکر برطانیہ کے پانچ روزہ سرکاری دورے پر ہیں۔ اس دورہ کا مقصد دو طرفہ تعلقات کے مختلف پہلوؤں کا جائزہ لینا اور دوستانہ تعلقات کو نئی تحریک دینا ہے۔ واضح رہے کہ بھارت اور برطانیہ گزشتہ سال جنوری سے ایک آزاد تجارتی معاہدے پر بات چیت کر رہے ہیں جس کا مقصد تخمینہ شدہ 36 بلین ڈالرز کی دو طرفہ تجارتی شراکت داری کو نمایاں طور پر توسیع دینا ہے۔ دونوں ممالک کے درمیان بات چیت میں مذاکرات کے 13 دور گزر چکے ہیں۔ حکام کو امید ہے کہ دونوں ممالک میں 2024 میں ہونے والے عام انتخابات سے قبل معاہدہ طے پا جائے گا۔
