سری لنکا کے پاور سیکٹر ریگولیٹر نے منگل کو بجلی کی قیمتوں میں 75 فیصد اضافہ کرنے کی تجویز کو منظوری دے دی۔ سری لنکا کے پبلک یوٹیلیٹیز کمیشن ( پی یو سی ایس ایل) کے چیئرمین جنک رتنائیکے نے کہا کہ قیمتوں میں نظرثانی کا اطلاق 10 اگست سے ہوگا۔Sri Lanka Increased Electricity Prices
قیمتوں میں اضافے سے 30 یونٹ ماہانہ استعمال کرنے والے صارفین کے بل میں اب 198 روپے کا اضافہ ہو جائے گا۔ 60 یونٹ تک بجلی استعمال کرنے والوں کے ماہانہ بجلی کے بل میں 200 روپے کا اضافہ ہو گا۔ سیلون الیکٹرسٹی بورڈ نے اس سے قبل 90 سے زائد یونٹ استعمال کرنے والے صارفین کے لیے 276 فیصد اضافے کا مطالبہ کیا تھا۔ پی یو سی ایس ایل نے قیمت کے اس حصے کے لیے 125 فیصد اضافے کو منظوری دی۔
یو این آئی
