وارسا: یوکرین کی سرحد کے قریب پولینڈ میں میزائل گرنے سے دو لوگوں کی موت ہوگئی۔ بی بی سی نے کہا کہ یہ رپورٹیں روس کی جانب سے یوکرین پر نئے حملوں کی لہر شروع ہونے کے بعد سامنے آئی ہیں، لیکن ابھی تک یہ واضح نہیں ہے کہ کیا ہوا ہے۔ یوکرین کی فضائیہ کے ترجمان یوری ایحناٹو کے مطابق منگل کے روز یوکرین پر90 سے زیادہ میزائل داغے گئے، جن میں سے 70 سے زیادہ کو کامیابی سے مار گرایا گیا۔ Russian missiles attacking Ukraine
وہیں پولینڈ حکومت نے میزائل واقعے پر روسی سفیر کو طلب کیا ہے۔ پولینڈ حکومت ہنگامی اجلاس منعقد کرنے کے بعد کچھ فوجی یونٹوں کو ہائی الرٹ پر رکھ رہی ہے۔ اس سے قبل پولش میڈیا نے کہا تھا کہ روسی میزائل یوکرین کی سرحد پار کر کے پولینڈ پر گرے تھے۔ یوکرین کے صدر ولادیمیر زیلنسکی نے روس پر الزام لگایا کہ وہ پولینڈ پر جان بوجھ کر حملہ کررہا ہے۔
یہ بھی پڑھیں: Russia Ukraine War یوکرینی فوج کا دو فوجی اڈوں پر حملہ، پچاس روسی فوجی ہلاک
روس نے اس حملے کے ذمہ دار ہونے کے دعووں کو مسترد کرتے ہوئے انہیں "صورتحال کو مزید خراب کرنے کے لیے جان بوجھ کر کی گئی اشتعال انگیزی" قرار دیا۔ امریکہ اور دیگر بین الاقوامی طاقتوں نے کہا کہ وہ اس بابت چھان بین کر رہے ہیں لیکن ابھی تک ذمہ داری طے کرنا باقی ہے۔ پولینڈ کے فائر فائٹرز نے دھماکے کی وجہ بتائے بغیر مشرقی قصبے پرزیوڈو میں ہونے والے دھماکے میں دو افراد کی ہلاکت کی تصدیق کی ہے۔
یو این آئی
