کابل: طالبان کی سکیورٹی فورسز نے افغان دارالحکومت کابل میں اتوار کی رات چھاپے میں دولت اسلامیہ عراق و شام (داعش) کے دو عسکریت پسندوں کو ہلاک اور تیسرے کو حراست میں لے لیا۔ طالبان حکومت کے ترجمان نے پیر کو کہا کہ اسلامک اسٹیٹ گروپ کی علاقائی تنظیم جسے اسلامک اسٹیٹ خراسان کے نام سے جانا جاتا ہے، طالبان کا کلیدی حریف ہے۔ عسکریت پسند گروپ نے اگست 2021 میں طالبان کے ملک پر قبضے کے بعد سے افغانستان میں اپنے حملوں میں اضافہ کر دیا ہے۔
ذبیح اللہ مجاہد نے سوشل میڈیا پر کہا کہ امارت اسلامیہ کی سیکیورٹی فورسز نے اتوار کی شام کابل کے ضلع 17 کے خیر خانہ کے علاقے میں داعش کے دہشت گردوں کے ٹھکانے کے خلاف آپریشن شروع کیا اور اس آپریشن میں داعش کے دہ دہشت گرد مارے گئے اور ایک دیگر کو گرفتار کر لیا گیا۔آئی ایس کے عسکریت پسندوں افغان دارالحکومت میں حملوں کی منصوبہ بندی کر رہے تھے۔ سیکورٹی فورسز نے آپریشن کے دوران اسلحہ اور گولہ بارود بھی قبضے میں لے لیا جس میں دو اسالٹ رائفلیں بھی شامل ہیں۔
یہ بھی پڑھیں:
- Recognition of Islamic Emirate طالبان کا عالمی برادری سے افغان حکومت کو تسلیم کرنے کا مطالبہ
- Pak-Afghan Tension افغانستان کی سرزمین پاکستان کے خلاف استعمال ہو رہی ہے، خواجہ آصف
انہوں نے کہا کہ خیر خانہ محلہ آئی ایس کا ایک اہم ٹھکانا ہے۔ آئی ایس کی جانب سے فوری طور پر کوئی تبصرہ نہیں کیا گیا۔ انہوں نے مزید کہا کہ آپریشن کے دوران طالبان فورسز میں کوئی جانی نقصان نہیں ہوا۔ اسی ماہ ایک الگ کارروائی میں، طالبان کی انٹیلی جنس فورسز نے کابل کے مشرقی حصے، کارتی نو محلے میں رات بھر کی کارروائی میں آئی ایس کے تین عسکریت پسندوں کو ہلاک اور ایک کو گرفتار کیا تھا۔ طالبان نے دعویٰ کیا تھا کہ دارالحکومت میں حالیہ منظم حملوں کے پیچھے آئی ایس کا ہاتھ تھا۔
