اسرائیلی فوج نے شمالی غزہ میں فلسطینیوں کی واپسی کو روک دیا

author img

By UNI (United News of India)

Published : Nov 24, 2023, 10:14 PM IST

Israeli army blocks Palestinians return to northern Gaza after ceasefire

قطر کی ثالثی میں چار روزہ جنگ بندی جمعہ کی صبح سے نافذ ہونے کے بعد بڑی تعداد میں بے گھر افراد شمالی غزہ میں اپنے گھروں کو لوٹنے کی کوشش شروع کی، لیکن اسرائیلی فوج نے انہیں شمالی غزہ کی طرف جانے سے روک دیا۔

غزہ: شمالی غزہ کی سرحد سے باہر بے گھر فلسطینی جنگ بندی کی ڈیڈ لائن کے نافذ ہونے کے بعد اپنے گھروں کو واپس جانے کی کوشش کر رہے تھے۔ تاہم اسرائیلی فوج نے لوگوں کو خبردار کیا ہے کہ انہیں جنگ زدہ علاقے کے شمال میں واقع غزہ میں داخل ہونے کی اجازت نہیں دی جائے گی۔

شمالی غزہ میں اپنے گھروں کو لوٹتے ہوئے فلسطینیوں کو اسرائیلی فوج نے روکنے کی کوشش کی اور کہا کہ یہ جنگی علاقہ ہے، اب اپنے گھروں کو نہ لوٹیں، اس کے باوجود فلسطینی شہری اپنے گھروں کو لوٹنے لگے ہیں۔

اسرائیلی فوج نے کہا ہے کہ انہیں خدشہ ہے کہ حماس شہریوں کو غزہ کی پٹی کے شمالی حصے میں واپس آنے کی ترغیب دینے کی کوشش کرے گی اور ان کی افواج ایسا ہونے سے روکنے کے لیے تیار ہیں۔

فلسطینی خبر رساں ایجنسی وفا نے عینی شاہدین کا حوالہ دیتے ہوئے کہا کہ سات افراد اس وقت زخمی ہوئے جب اسرائیلی فورسز نے انہیں اس وقت روکا جب انہوں نے شمالی غزہ میں داخل ہونے کی کوشش کی۔ جنوبی غزہ میں خان یونس سے ملنے والی اطلاعات کے مطابق متعدد افراد زخمی ہوئے ہیں اور انہیں واپس جنوبی غزہ کے ہسپتالوں میں منتقل کر دیا گیا ہے۔

یہ بھی پڑھیں

اسرائیلی فوج کے ترجمان اویشی عدریی نے ٹویٹر پر عربی میں لکھا کہ جنوبی غزہ کی طرف جانے کی اجازت دی جائے گی۔ انہوں نے کہا کہ ہم آپ کو متنبہ کر رہے ہیں کہ فوجی دستوں اور وادی غزہ کے شمال میں واقع علاقوں میں نہ جائیں۔ اپنی ضروریات کو پورا کرنے اور اپنے معاملات کو ترتیب دینے کے لیے اس وقت کا فائدہ اٹھائیں۔

فوجی ترجمان عدریی نے کہا کہ غزہ کی پٹی کے شمال میں علاقہ جنگی علاقہ ہے اور وہاں عام شہریوں کا رہنا ممنوع ہے۔ جنگ ابھی ختم نہیں ہوئی ہے اور ہم آپ سے درخواست کرتے ہیں کہ اپنی حفاظت کے لیے فوج کے جوانوں کی وارننگ پر عمل کریں۔ (یو این آئی)

ETV Bharat Logo

Copyright © 2024 Ushodaya Enterprises Pvt. Ltd., All Rights Reserved.