بیجنگ: چین کے صدر شی جن پنگ 23 جون کو بیجنگ میں 14ویں برکس (برازیل، روس، بھارت، چین اور جنوبی افریقہ) 14th BRICS summit سربراہی اجلاس کی میزبانی کریں گے۔ چین کی وزارت خارجہ نے جمعہ کو یہ اعلان کیا۔ چین اس سال برکس کا چیئرمین ہے۔ چینی وزارت خارجہ کی ترجمان ہوا چون ینگ نے کہا کہ چینی صدر شی جن پنگ سربراہی اجلاس کی صدارت کریں گے۔ ترجمان ہوا چن ینگ نے کہا کہ سمٹ ورچوئل فارمیٹ میں 'اعلی معیار کی برکس شراکت داری کو فروغ دینا، عالمی ترقی کے لیے ایک نئے دور کا آغاز' کے عنوان سے منعقد کیا جائے گا۔ وزیر اعظم نریندر مودی کے ساتھ روس کے صدر ولادیمیر پوتن اور برازیل اور جنوبی افریقہ کے لیڈروں کی چوٹی کانفرنس میں شرکت متوقع ہے۔
سربراہی اجلاس سے پہلے چین نے تیاری کے سلسلے میں میٹنگیں کیں جن میں برکس وزرائے خارجہ کی میٹنگ اور اس کے بعد قومی سلامتی کے مشیروں (NSAs) کی میٹنگ بھی شامل تھی۔ بھارت کے این ایس اے اجیت ڈووال نے بدھ کو ویڈیو لنک کے ذریعے برکس کے اعلیٰ سیکورٹی حکام کی میٹنگ میں حصہ لیا۔ چینی سرکاری میڈیا کی رپورٹ کے مطابق، پانچ ممالک کے اعلیٰ سیکورٹی حکام نے گہرائی سے تبادلہ خیال کیا اور کثیرالجہتی اور عالمی نظم و نسق کو مضبوط بنانے اور قومی سلامتی کو درپیش نئے خطرات اور چیلنجز کا جواب دینے جیسے مسائل پر اتفاق رائے پایا۔
یہ بھی پڑھیں:
Special ASEAN India FM Meeting: وزیراعظم مودی کی آسیان ممالک کے نمائندوں سے بات چیت
قبل ازیں، وزیر خارجہ ایس جے شنکر نے 19 مئی کو اپنے چینی ہم منصب وانگ یی کی طرف سے بلائی گئی برکس وزرائے خارجہ کی میٹنگ میں ورچوئل فارمیٹ میں حصہ لیا۔ وزرائے خارجہ کانفرنس کے موقع پر، چین، جو برکس بلاک کی توسیع پر زور دے رہا ہے، نے قازقستان، سعودی عرب، ارجنٹائن، مصر، نائجیریا، سینیگال، متحدہ عرب امارات اور تھائی لینڈ کے وزرائے خارجہ کے ساتھ برکس پلس میٹنگ بھی کی۔
