خیال رہے کہ گزشتہ روز داعش کے سرغنہ ابوبکر بغدادی کی ہلاکت کی امریکہ نے تصدیق کی تھی، جس پر ترکی کے صدر رجب طیب اردوگان نے ٹوئٹ کے ذریعے اس پر اپنا رد عمل ظاہر کیا ہے۔
اردوگان کا کہنا ہے کہ 'داعش کے سرغنہ کی ہلاکت دہشت گردی کے خلاف مشترکہ لڑائی میں ایک نیا سنگ میل ثابت ہوگا، ترکی دہشت گردی کے خلاف لڑائی کی حمایت کرتا ہے جیسا کہ وہ ماضی سے کرتا آرہا ہے'۔
واضح رہے کہ گزشتہ روز امریکی صدر ڈونلڈ ٹرمپ نے داعش کے سرغنہ ابوبکر بغدادی کی شام کے شہر ادلب میں امریکی افواج کی کاروائی کے دوران مارے جانے کا اعلان کیا تھا۔
اس تعلق سے ترکی کے وزارت دفاع نے ایک بیان جاری کرتے ہوئے کہا ہے کہ 'دونوں ممالک کے اعلیٰ فوجی حکام نے اس امریکی فوج کی کارروائی سے قبل چند تفصیلات کا تبادلہ کیا تھا۔