برطانیہ کے پرنس چارلس اپنے اس دو روزہ دورے کے دوران صدرے جمہوریہ رام ناتھ کووند سے ملاقات کریں گے۔ اس ملاقات میں وہ آب و ہوا کی تبدیلی اور مستقل مالیاتی نظام جیسے امور پر تبادلہ خیال کریں گے۔ چارلس، بابا گرو نانک کے 550ویں یوم پیدائش کے موقع پر گورودوارہ بھی جائیں گے۔
برٹش ہائی کمیشن کے مطابق پرنس چارلس کا یہ دسواں سرکاری دورہ ہے۔ اس دورے سے برطانیہ، بھارت تعلقات کو مزید مضبوطی حاصل ہوگی۔ میٹنگ میں پائیدار ترقی اور آب و ہوا کی تبدیلی جیسے عالمی چیلنجوں پر توجہ مرکوز کی جائے گی۔ کمیشن کے مطابق پرنس چارلس قومی راجدھانی دلی میں مختلف پروگرام میں شرکت کریں گے۔ اس دورے کے دوران وہ سماجی ترقی کے شعبے میں اپنے واضح تعاون کے لیے ایک بھارتی فاتح کو کامن ویلتھ ’پوائنٹ آف لائٹ‘ کے انعام سے سرفراز کریں گے۔
