ترکی- عراق کے درمیان فوجی تعاون پردستخط

ترکی کے صدر رجب طیب اردگان نے عراقی وزیر اعظم عادل عبدالمہدی سے ملاقات کے بعد نامہ نگاروں کو بتایا کہ دونوں ملکوں کے درمیان دوطرفہ فوجی تعاون کے معاہدے پر دستخط کیے گئے۔

طیب اردگان نے بتایا کہ دونوں ممالک نے دہشت گردی کے خلاف جدوجہد، عراق میں تعمیر نو کے کام اور باہمی تعاون کیلئے قدم بڑھانے پر اتفاق رائے کا اظہار کیا ہے۔

ترکی- عراق کے درمیان فوجی تعاون کے معاہدے پر دستخط

انہوں نے کہا کہ دونوں ممالک کے وزیر دفاع اور انٹیلی جنس سربراہ جلد ہی ملاقات کریں گے اور معاہدے پر تفصیلی گفتگو کریں گے۔

دونوں رہنماؤں نے شمالی عراق سے ترکی کے درمیان تیل پائپ لائن کی بہتری کے لیے بھی تبادلہ خیال کیا ہے۔