سیکریٹری جنرل کے ترجمان اسٹیفن دجارک نے ایک انٹرویو میں کہا کہ 'اقوام متحدہ کے سکریٹری جنرل نے وائرس کے خلاف اس جدوجہد میں عالمی یکجہتی کی تعریف کی ہے، اقوام متحدہ کے سکریٹری جنرل نے بھارت سمیت ان تمام ممالک کو سلام پیش کیا، جو کورونا کے خلاف اس عظیم جنگ میں دوسرے ممالک کی مدد کررہے ہیں'۔
بھارت کورونا کے خلاف اس عالمی جنگ میں بڑھ چڑھ کر حصہ لے رہا ہے، حال ہی میں بھارت نے متعدد ممالک میں دوائیں بھیجی ہیں جن میں کورونا جیسی وبائی مرض سے دوچار امریکہ، برازیل اور اسرائیل شامل ہیں۔
بتا دیں کہ بھارت نے جنوبی ایشیائی علاقائی تعاون کی تنظیم کے رکن ممالک کی مدد کرنے کی پیشکش کی ہے۔
کرونا کی وبا امریکہ میں ایک خوفناک سانحہ بن چکی ہے، امریکی صدر ڈونلڈ ٹرمپ نے کورونا کے خلاف اس لڑائی میں بھارت سے مدد مانگی، اس کے بدلے میں بھارت نے ملیریا کے علاج میں استعمال ہونے والی ہائیڈروکسی کلوروکین دوائیوں کی ایک کھیپ امریکہ بھیجا۔
معلومات کے مطابق ملیریا کے علاج میں کارآمد ثابت ہونے والی یہ ادویات کورونا وائرس کے علاج میں بھی استعمال کیی جا رہی ہیں، اتنا ہی نہیں بھارت نے اپنے فوجی صحت سے متعلق پیشہ ور افراد کو کویت اور مالدیپ بھیجا ہے تاکہ اس وبا سے نمٹنے میں ان کی مدد کی جاسکے۔
