حیدرآباد: گزشتہ چند برس پیشہ وارانہ اور ذاتی لحاظ سے شاہ رخ خان کے لیے برے ثابت ہوئے ہیں۔ باکس آفس پر لگاتار تین فلموں کا فلاپ ہونا شاہ رخ خان جیسے بڑے اسٹار کی مقبولیت پر سوال کھڑا کرتا ہوگا لیکن یہ پہلی بار نہیں ہے جب کنگ خان کو ناکامی کا سامنا کرنا پڑا ہے۔ اسٹارڈم کھونے کے ڈر کے درمیان کنگ خان کے مداحوں کو ان کی پرفارمانس پر ہلکا شبہ ہوسکتا ہے لیکن شاہ رخ اور مداحوں کے درمیان باکس آفس کی کمائی کبھی نہیں آسکتی ہے۔ تین دہائیوں تک اپنے اسٹارڈم کو برقرار رکھنے والے شاہ رخ خان آج اپنی 57 ویں سالگرہ منا رہے ہیں۔ اب بالی ووڈ کے کنگ خان نئی امید کے ساتھ بالی ووڈ میں دوسری پاری کھیلنے کو تیار ہیں۔ آئندہ سال ریلیز ہونے والی ان کی تین انتہائی متوقع فلموں کے ساتھ وہ اپنے مداحوں کا اعتماد حاصل کرنے کے لیے سخت محنت کر رہے ہیں۔شاہ رخ خان
جب میگا اسٹار امیتابھ بچن پچھلے مہینے 80 سال کے ہوئے تب ایس آر کے نے بالی ووڈ کے شہنشاہ کے لیے ایک خوبصورت نوٹ لکھا، جس میں انہوں نے اداکار کو 'عظیم شخص' اور 'سپرہیومن' جیسے اعلی القابات سے نوازا۔ خان نے یہ بھی انکشاف کیا کہ انہوں نے بچن سے 'کبھی ہار نہ مانے' کا ہنر سیکھا ہے۔ بگ بی کی طویل اور صحت مند زندگی کی خواہش کرنے کے ساتھ ساتھ ایس آر کے نے یہ بھی کہا کہ ایک چیز جو انہوں نے اپنے ساتھی اداکار سے سیکھی ہے وہ ہے' سیکھیں۔۔ بہتر کریں اور اسے دوبارہ کرتے رہیں۔۔ہمیشہ'۔ اب شاہ رخ کی باتوں سے محسوس ہوتا ہے کہ وہ اپنے کیرئیر کے دوسرے مرحلے میں اس پر عمل کر رہے ہیں۔
راکٹری: دی نمبی ایفیکٹ، لال سنگھ چڈھا اور برہمسترا: پارٹ ون شیوا جیسی فلموں میں کیمیوز رول کے علاوہ شاہ رخ خان کو بڑے پردے پر بطور مرکزی کردار میں دیکھ کر تقریبا چار برس کا وقفہ گزر چکا ہے۔ یہ تین فلمیں رواں سال ریلیز ہوئی تھی۔ اگلے سال کے اوائل میں کنگ خان ایک مکمل کردار میں سلور اسکرین پر واپسی کریں گے۔ ان کی آئندہ تین فلمیں فی الحال پروڈکشن کے مرحلے میں ہیں۔ تین فلموں سے کنگ خان نے 600 کروڑ روپے سے زیادہ کی کمائی کی۔
اداکار جو چند برس میں 60 کے ہوجائیں گے، یش راج فلمز کی پٹھان سے سال 2023 کی شاندار شروعات کریں گے۔ اس فلم نے انہیں دوبارہ یش راج بینر، جس نے اداکار کو وہ اسٹار بننے میں مدد کی ہے جو وہ آج ہیں، سے جوڑ دیا ہے۔ آدتیہ چوپڑا کے ساتھ سپراسٹار کا تعاون یش راج فلمز کے لیے نظر بد کو دور کرنے والا ٹوٹکا مانا جارہے۔ 50 ویں سالگرہ کا جشن منانے والی یہ معزز پروڈکشن ہاؤس کی اس سال ریلیز ہوئی لگاتار چار فلمیں فلاپ رہی ہیں۔ پٹھان ایک جاسوسی فلم ہونے والی ہے، جس میں دیپیکا پڈوکون اور جان ابراہم بھی اہم کردار میں ہوں گے۔
پٹھان کے ہدایت کار سدھارتھ آنند کا مقصد 'ناظرین کو ایک ایسا شاندار تجربہ دینا ہے جو شاندار ہو اور جس کا تجربہ پہلے کبھی نہیں کیا گیا ہو'۔ اب تک فلم کے حوالے سے مثبت خبریں سننے کو مل رہی ہیں اور جب یہ فلم 25 جنوری 2023 کو ہندی، تمل اور تیلگو میں بڑے پردے پر آئے گی تب یہ دیکھنا واقعی دلچسپ ہوگا کہ یہ باکس آفس پر کتنی کامیاب ہوتی ہے۔
جوان میں بھی ایس آر کے کا ایکشن اوتار نظر آرئے گا جو سال 2023 میں ان کی دوسری فلم ہوگی۔فلم کی ہدایت کاری ارون کمار عرف ایٹلی نے کی ہے جو آج تمل فلم انڈسٹری میں کام کرنے والے سب سے بڑے ہدایت کاروں میں سے ایک ہیں۔
شاہ رخ خان کے 36 سالہ ہدایتکار کے ساتھ ہاتھ ملانے پر کئی سوالات اٹھے لیکن ریلیز کی تاریخ کا اعلان کرنے والے ٹیزر میں سپر اسٹار کی پہلی جھلک نے تنقید کرنے والوں کو خاموش کردیا۔فلم میں نینتھارا، وجے سیتھوپتی اور میوزک کمپوزر انیرودھ رویچندر جیسے مشہور تمل فنکار کام کرنے والے ہیں۔ جوان 2 جون 2023 کو پانچ زبانوں ہندی، تامل، تیلگو، ملیالم اور کنڑ میں سینما گھروں کی زینت بننے والی ہے۔
سال 2023 میں دو ایکشن فلموں میں نظر آنے کے بعد کنگ خان راج کمار ہیرانی کی ڈنکی کے ساتھ دوبارہ اسکرین پر واپس آئیں گے۔ فلم کا اعلان کرتے ہوئے، ہیرانی، جنہوں نے اپنے 20 سالہ کیریئر میں صرف پانچ فلمیں بنائی ہیں، کہا تھا کہ وہ شاہ رخ کی توانائی، کرشمہ، مزاح اور خوبصورتی کو فلم کے ذریعہ بڑے پردے پر دکھانے کے منتظر ہیں۔ واضح رہے کہ اس سے قبل آنند ایل رائے بھی اسی طرح کی خواہش کے ساتھ آئے تھے لیکن باکس آفس پر یہ ’زیرو‘ ثابت ہوئی۔
ڈنکی 22 دسمبر کو بڑے پردے پر آئے گی۔ تجارتی ماہرین کا خیال ہے کہ فلم باکس آفس پر زبردست کمائی کر سکتی ہے۔وہیں ریڈ چلیز انٹرٹینمنٹ بھی اوم شانتی اوم اور چنئی ایکسپریس کو ملنے والی کامیابی کی طرح اپنی نئی فلم کی کامیابی کے ذائقہ کو چکھنے کا طویل عرصے سے انتظار کر رہے ہیں۔
شاہ رخ خان نے آدھی جنگ تب ہی جیت لی جب انہوں نے اپنی دوسری پاری کےلیے شاندار ہدایتکاروں کے ساتھ کام کرنے کا فیصلہ کیا۔ جہاں ہیرانی کی تمام فلمیں کامیاب رہی ہیں وہیں ایٹلی اور سدھارتھ نے بھی اپنے کیریئر میں اب تک کوئی فلاپ فلم نہیں دی ہے۔ ان اعلان کردہ تین فلموں کے ساتھ کنگ خان رومانس کے بادشاہ کی شبیہ سے برعکس کچھ نیا کرنے جارہے ہیں۔
ہم سب کنگ خان کو بڑے پردے پر ایک بار پھر وہی جادو بکھیرتے ہوئے دیکھنا چاہتے ہیں۔ ای ٹی وی بھارت کی طرف سے شاہ رخ خان کو سالگرہ کی مبارکباد۔
مزید پڑھیں: سپر اسٹار شاہ رخ خان سے زندگی جینے کا ہنر سیکھیں
