ممبئی: حال ہی میں ایک پنجابی چیٹ شو میں نظر آنے والے بھارتی کرکٹر شبھمن گل نے بالی ووڈ اداکار سارہ علی خان کے ساتھ اپنے رشتوں کے افواہوں کے بارے میں اپنی خاموشی توڑ دی۔ شبھمن حال ہی میں سونم باجوہ کے چیٹ شو دل دیا گلاں میں نظر آئے ۔گفتگو کے دوران پنجابی اداکارہ نے کرکٹر سے سوال کیا کہ بالی ووڈ کی سب سے فٹ اداکارہ کون ہے؟ اس پر کرکٹر نے جواب دیا 'سارہ'۔Shubman Gill Dating Rumours
کرکٹر کے اس انکشاف کے بعد سونم نے شبھمن سے پوچھا کہ کیا وہ اداکارہ کو ڈیٹ کر رہے ہیں، جس پر انہوں نے جواب دیا کہ 'شاید'۔ پھر سونم نے بالی ووڈ اداکارہ کے نام کو مزاحیہ انداز میں بولتے ہوئے کہا کہ 'سارا کا سارا سچ بولو'۔ اس بار شبھمن نے جواب دیا' سارا کا سارا سچ بول دیا میں نے، شاید کر رہا ہوں اور شاید نہیں'۔ سارہ اور شھبمن کی ڈیٹنگ کے بارے میں افواہیں اس سال اگست میں گردش کرنے لگیں جب انہیں ایک ساتھ ڈنر کرتے دیکھا گیا تھا۔ ایک ٹک ٹاک صارف نے ایک ویڈیو سوشل میڈیا پر شیئر کی، جو کافی وائرل ہوئی۔ اس وائرل کلپ کو مداحوں کی طرف سے کافی توجہ ملی۔
تاہم، نہ سارہ اور نہ ہی شبھمن نے اپنے تعلقات کی تصدیق کی۔ شبھمن سے پہلے سارہ کی اپنے 'لو آج کل' کے ساتھی اداکار کارتک آرین کے ساتھ رشتے میں ہونے کی افواہ تھی۔ حال ہی میں ہدایتکار کرن جوہر کے چیت شو کافی ود کرن کے سیزن 7 میں اس بات کی تصدیق ہوئی۔ واضح رہے کہ سارہ جلد ہی وکی کوشل کے ساتھ ایک رومانوی کامیڈی فلم میں نظر آنے والی ہیں۔ اس کے بعد وہ وکرانت میسی اور چترانگدا سنگھ کے ساتھ گیس لائٹ میں بھی نظر آئیں گی۔ وہ 18 نومبر سے 30 نومبر تک نیوزی لینڈ کے خلاف ون ڈے سیریز کھیلتے نظر آئیں گے۔