پاکستانی اداکارہ عائشہ عمر نے پاکستانی کرکٹر شعیب ملک کے ساتھ شادی کرنے کی افواہوں کی تردید کی ہے۔ ٹینس اسٹار ثانیہ مرزا سے طلاق کی خبروں کے درمیان شیعب ملک اور پاکستانی اداکارہ کی شادی کے بندھن میں بندھنے کی افواہیں بہت گردش کر رہی تھی۔ اب ایک نئی رپورٹ کے مطابق عائشہ نے خود کہا ہے کہ وہ شعیب اور ثانیہ کی بہت عزت کرتی ہیں۔ عائشہ نے مزید کہا کہ ان کا شیعب سے شادی کا کوئی ارادہ نہیں ہے۔Ayesha Omar on Marrying with Shoaib Malik
گزشتہ ماہ کئی ایسی رپورٹس سامنے آئی تھی جس میں کہا گیا تھا کہ ثانیہ اور شعیب نے علیحدگی اختیار کرنے کا فیصلہ کرلیا ہے۔ اس طرح کی خبروں کے یہ بھی افواہیں گردش کرنے لگی تھی کہ ثانیہ سے طلاق کے بعد کرکٹر عائشہ سے شادی کرنے جارہے ہیں۔ حالانکہ یہ افواہیں شعیب اور عائشہ کی ایک ساتھ فوٹوشوٹ کی تصویریں سامنے آنے کے بعد شروع ہوئی تھی۔ اب عائشہ نے اس افواہوں سے پردہ ہٹادیا ہے۔
حال ہی میں ایک مداح نے عائشہ کے ایک انسٹاگرام پوسٹ پر تبصرہ کرتے ہوئے اداکارہ سے پوچھا کہ ' کیا آپ دونوں کا شادی کا پروگرام ہے۔ جس کے جواب میں عائشہ نے کہا کہ 'جی نہیں، بالکل نہیں، ان کی شادی ہوئی ہے اور اپنی بیوی کے ساتھ بہت خوش ہیں۔ میں دونوں شعیب ملک اور ثانیہ مرزا کی بہت عزت کرتی ہوں'۔
اس کے بعد انہوں نے مزید لکھا کہ 'شعیب اور میں اچھے دوست ہیں اور ایک دوسرے کے خیرخواہ ہیں۔ بہت عزت کرتے ہیں۔ ایسے رشتے بھی ہوتے ہیں دنیا میں لوگوں کے'۔
واضح رہے کہ طلاق کی افواہوں کے درمیان شعیب نے ثانیہ کو ان کی سالگرہ پر مبارکباد دی۔ انہون نے ایک دلکش تصویر شیئر کرتے ہوئے انہیں مبارکباد دیتے ہوئے لکھا کہ ' آپ کو سالگرہ مبارک ثانیہ مرزا۔ آپ کی صحتمند اور خوشگوار زندگی کی دعائیں کرتا ہوں! دن کا بھرپور لطف اٹھائیں...'۔
شعیب اور ثانیہ کی شادی 2010 میں ہوئی تھی اور تب سے وہ دبئی میں مقیم ہیں۔ انہوں نے سال 2018 میں اپنے بیٹے اذہان کا استقبال کیا۔ رپورٹس کے مطابق ثانیہ اور شعیب نے مبینہ طور پر اپنی 12 سالہ طویل ازدواجی زندگی کو ختم کر دیا ہے اور وہ اپنے بیٹے اذہان مرزا ملک کے ساتھ رہ رہی ہیں۔
