راہل گاندھی نے ٹویٹ کیا کہ 'ہمیں ہوائی جہاز نہیں چاہیے بلکہ ریاست میں سفر کرنے کی آزادی کو یقینی بنایا جائے۔ ہمیں وہاں کے عوام، سرکردہ رہنماؤں اور فوج کے اہلکاروں سے ملاقات کرنے دیا جائے۔'
داراصل راہل گاندھی کے کشمیر سے متعلق بیان پر ستیہ پال ملک نے کہا تھا کہ 'کشمیر کی زمینی حقیقت کا جائزہ لینے کے لیے وہ راہل کے لیے خصوصی طیارہ بھیجیں گے۔'
جموں و کشمیر کے گورنر ستیہ پال ملک نے کانگریس کے سابق صدر راہل گاندھی کے کشمیر میں تشدد کی خبر سے متعلق تبصرہ کرتے ہوئے کہا تھا کہ 'کانگریس کے سابق صدر کو وادی کا دورہ کرانے اور زمینی موقف کا جائزہ لینے کے لیے ہوائی جہاز بھیجیں گے۔'
واضح رہے کی ہفتہ کے روز راہل گاندھی نے کہا تھا کہ جموں و کشمیر سے کچھ تشدد کی خبریں آئی ہیں اور وزیر اعظم نریندر مودی کو اس معاملے پر تشویش اظہار کرنا چاہیے۔