ڈسٹرکٹ پولیس گاندربل نے ایک منشیات فروش کو گرفتار کیا ہے۔ پولیس اسٹیشن کنگن سے وابستہ پولیس اہلکاروں نے ایس ایچ او تھانہ کنگن انسپکٹر ظہور کی قیادت میں ناکہ قائم کیا۔
چیکنگ کے دوران ایک شخص نے بھاگنے کی کوشش کی، لیکن ناکہ پر موجود پولیس اہلکاروں نے اسے پکڑ لیا اور چھان بین کی، اس دوران اس کے قبضے سے چرس برآمد کی گئی۔ ملزم کی شناخت شرف الدین چیچی ولد غلام محی الدین چیچی چھتر گل بالا کے طور پر ہوئی ہے، جس کے خلاف ایف آئی آر درج کرلیا گیا ہے۔
مقامی لوگوں نے گاندربل پولیس کی اس کارروائی کی تعریف کرتے ہوئے کہا کہ منشیات کے خلاف اس قسم کی کارروائی ضروری ہے۔
مزید پڑھیں: کھریو انکاؤنٹر دو عسکریت پسندوں کی ہلاکت پر ختم
ڈسٹرکٹ پولیس گاندربل نے لوگوں سے اپیل کی کہ وہ منشیات فروشوں کے تعلق سے ملی جانکاری سے پولیس کو مطلع کریں۔
