اسمبلی میں حزب اختلاف کے لیڈر تیجسوی یادو اور ان کے بڑے بھائی تیج پڑتا پ یادو کی قیادت میں کثیر تعداد میں آرجے ڈی اراکین اسمبلی اور کارکنان نے سابق وزیر اعلیٰ محترمہ رابڑی دیوی کے دس سرکلر روڈ واقع سرکاری رہائش سے مارچ نکالا۔
مارچ شہر کے مختلف شاہراہوں سے ہوتے ہوئے دارالحکومت کے قلب میں واقع کنگڑ باغ چوراہا تک گیا۔ اس دوران حامیوں نے حکومت مخالف نعرے بازی کی۔ اس موقع پر اپوزیشن کے لیڈر نے کہاکہ جب تک پٹرول۔ ڈیزل کی قیمتوں میں کمی نہیں آئے گی تب تک پارٹی کی جانب سے احتجاج و مظاہرہ جاری رہے گا۔
پٹرول ۔ ڈیژل کی بڑھتی قیمتوں سے عام لوگوں کے ساتھ ہی کسانوں اور کاروباری افراد پریشان ہیں۔ ملک میں پہلی بار ایسا ہوا ہے کہ ڈیزل کادام پٹرول سے زیادہ ہوگیا ہے۔ ملک اور بہار کی عوام مہنگائی کی مار جھیل رہی ہے۔ انہوں نے الزام عائد کیا کہ مرکزی حکومت صرف سرمایہ داروں کو ہی فائدہ پہنچانے میں میں مصروف ہے۔ آر جے اس کی مخالفت میں مسلسل تحریک چلائے گی۔
