ریاست بہار کے ضلع کیمور ہیڈ کوارٹر بھبھوا میں مجاہد آزادی و ریاست کے سابق وزیر اعلی مرحوم کرپوری ٹھاکر کی یوم پیداٸش کے موقع پر بھبھوا کے کنی رام دھرمشالہ میں ایک بڑے پروگرام کا انعقاد کر انہیں یاد کیا گیا۔
راشٹریہ جنتا دل کی کیمور یونٹ کے زیر اہتمام منعقد پروگرام میں لیڈروں و کارکنان نے حصہ لیا۔ اس موقع پر راشٹریہ جنتا دل کسان سیل کے لیڈر سدھاکر سنگھ نے کہا کہ مجاہد آزادی کو یاد کر ہم سب فخر محسوس کر رہے ہیں۔کرپوری ٹھاکر ایک نائی کے گھر میں پیدا ہوئے اسکے باوجود کبھی بھی ذات پات اونچ نیچ کا نعرہ نہیں دیا۔
مرحوم کرپوری ٹھاکر دو بار ریاست کے نائب وزیر اعلی رہے اسکے بعد ایک بار وزیر اعلی کے عہدہ پر بھی رہے۔ ملک کی آزادی کے لیے بھی نمایاں خدمات کو انجام دیا۔ ان کی کارگردگی راشٹریہ جنتا دل کے لیے مثال ہے اور راجد شروع سے ہی کرپوری ٹھاکر کو اپنا عظیم رہنما مانتی ہے۔
انہوں نے کرپوری ٹھاکر کے بعد لالو پرساد یادو کو ایک بہترین لیڈر بتایا۔ انہوں نے کہا کہ مرحوم ٹھاکر نے برسر اقتدار کے علاوہ حزب مخالف میں بھی اہم کردار ادا کیا۔ اکلو رام نے کہا کہ عوام سے بہت زیادہ لگاٶ تھا۔یہی وجہ ہے کہ کسی بھی حادثہ پر پہلے پہونچتے تھے۔
پروگرام کو سنگیتا کماری، اویناش پانڈے، پشوپتی ناتھ سنگھ،اسلام انصاری، آصف رضا عرف منا خان، عظیم الدین انصاری وغیرہ نے بھی خطاب کیا۔