نوئیڈا: ہندوستان کے عظیم بادشاہ شیر میسور ٹیپو سلطان کی 271ویں یوم پیدائش کے موقع پر نوئیڈا کے سیکٹر 9 میں تقریب منعقد کر خراج عقیدت پیش کی گئی۔ نوئیڈا مہانگر سماج وادی پارٹی کے نائب صدر شکیل سیفی نے اپنے دفتر میں اپنی ٹیم کے ساتھیوں تنویر حسین، ساحل چودھری، ممتاز عالم، محمد ممتاز، عمران اور شیر خان کے ہمراہ عظیم بہادر بادشاہ کو خراج عقیدت پیش کیا اور دعائے مغفرت بھی کی گئی۔
اس موقع پر شکیل سیفی نے کہا کہ ٹیپو سلطان کی زندگی ایک سچے مسلمان کی زندگی تھی، وہ مذہبی تعصب سے پاک تھے، یہی وجہ تھی کہ غیر مسلم ان کی فوج اور ریاست میں اعلیٰ عہدوں پر فائز تھے۔
مزید پڑھیں:
انہوں نے جرأت مندی، عزم اور مستقل مزاجی، بہادری کے ساتھ اپنے دارالحکومت کی حفاظت کرتے ہوئے جوانمردی سے تلوار ہاتھ میں لیے شہادت قبول کی تھی۔
یہ وہ مشرقی حکمران تھے جن کی زندگی محلات میں گزرنے کی بجائے جنگ کے میدانوں میں گزری، اپنی زندگی کے آخری چار سال ٹیپو سلطان نے جنگی خیمے میں کمبل اور اینٹ کے تکیے پر گزارے۔
یہ بھی پڑھیں:
- CAA: مرکزی سرکار این آر سی اور سی اے اے کو بھی واپس لے: ارشد مدنی
- اردو پسماندگان لوگوں کی زبان نہیں ہے: پروفیسر غضنفر علی
وہ ان چند ہندوستانی بادشاہوں میں سے تھے جنہوں نے انگریزوں کو شکست کا مزہ چکھایا۔ اپنے سولہ سالہ دور حکومت میں ٹیپو سلطان نے مذہبی رواداری اور بہادری کے اعلیٰ نمونے پیش کیے۔
